കുതിരാന്: മണ്ണുത്തി-വടക്കാഞ്ചേരി ദേശീയപാത കുതിരാനില് നാല് ചരക്കുലോറികള് കൂട്ടിയിടിച്ചുണ്ടായ അപകടത്തില് ഒരാള് മരിച്ചു. കണ്ടെയ്നര് ലോറി ഡ്രൈവര് ജിനീഷാണ് മരിച്ചത്. മൂന്നുപേര്ക്ക് പരിക്കേറ്റു. കൂത്താട്ടുകുളം സ്വദേശിയാണ് മരണപ്പെട്ട ജിനീഷ്.
പുലര്ച്ചെ പന്ത്രണ്ടരയോടെ തുരങ്കത്തിന് സമീപം ഒരു ലോറി മറ്റൊരു ലോറിയെ മറികടക്കാന് ശ്രമിക്കുന്നതിന് ഇടയിലാണ് അപകടമുണ്ടായത്. പാലക്കാട് നിന്ന് തൃശൂര് ഭാഗത്തേക്ക് പോവുകയായിരുന്ന രണ്ടുലോറികളാണ് അപകടത്തില് പെട്ടത്. അപകടത്തില് നാലുലോറികള് കൂട്ടിയിടിച്ചു. രണ്ടുലോറികള് വഴിയരികിലേക്കും ഒരു ലോറി റോഡിന് കുറുകേയും മറ്റൊന്ന് പുതിയ തുരങ്കത്തിലേക്ക് റോഡ് നിര്മിച്ചതിന്റെ മുപ്പതടി താഴേക്കുമാണ് മറിഞ്ഞത്.
Read Also: തൃശൂരിൽ നിരോധനാജ്ഞ 15 ദിവസം കൂടി നീട്ടി
2 യൂണിറ്റ് അഗ്നിരക്ഷാ സേനയെത്തിയാണ് രക്ഷാപ്രവര്ത്തനം നടത്തിയത്. ഏറെ നേരം ദേശീയ പാതയില് ഗതാഗതം തടസ്സപ്പെട്ടു.
കുതിരാനില് അപകടങ്ങള് നിത്യസംഭവം ആവുകയാണ്. കഴിഞ്ഞദിവസം ഇവിടെ ഉണ്ടായ അപകടത്തില് ഒരു തമിഴ്നാട് സ്വദേശിയുടെ ജീവന് പൊലിഞ്ഞിരുന്നു.
