റിയാദ് : കോവിഡ് മുക്തി നിരക്കില് ഉയര്ച്ച കൈവരിച്ച് സൗദി അറേബ്യ. 96.2 ശതമാനം ആണ് ഇപ്പോള് രാജ്യത്തെ കോവിഡ് മുക്തി നിരക്ക്. കഴിഞ്ഞ 24 മണിക്കൂറില് രാജ്യത്ത് കോവിഡ് മുക്തരായ ആളുകളുടെ എണ്ണം 433 ആണ്. രോഗബാധിതരായ ആളുകളേക്കാള് ഉയര്ന്ന കണക്കുകള് ആണിത്. രോഗമുക്തി നിരക്കില് ഉണ്ടാകുന്ന വര്ധന രാജ്യത്ത് ആശ്വാസം പകരുന്നുണ്ട്.
കഴിഞ്ഞ 24 മണിക്കൂറില് രാജ്യത്ത് രോഗബാധിതരായ ആളുകളുടെ എണ്ണം 402 ആണ്. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 3,47,282 ആയി ഉയര്ന്നു. ഇവരില് 3,33,842 ആളുകളും ഇതുവരെ രോഗ മുക്തരായിട്ടുണ്ട്. നിലവില് രാജ്യത്ത് കോവിഡ് ബാധിതരായി ചികില്സയില് കഴിയുന്ന ആളുകളുടെ എണ്ണം 8038 ആണ്. ഇവരില് 776 ആളുകളുടെ ആരോഗ്യനില ഗുരുതരമാണ്. കഴിഞ്ഞ 24 മണിക്കൂറില് രാജ്യത്ത് ഏറ്റവും കൂടുതല് കോവിഡ് കേസുകള് റിപ്പോര്ട്ട് ചെയ്തത് മദീനയിലാണ്. 59 ആളുകളാണ് മദീനയില് രോഗബാധിതരായത്.
രാജ്യത്ത് കഴിഞ്ഞ ദിവസം കോവിഡ് ബാധിച്ചു മരിച്ചത് 19 ആളുകളാണ്. ഇതോടെ കോവിഡ് ബാധിച്ചു മരിച്ച ആകെ ആളുകളുടെ എണ്ണം 5,402 ആയി ഉയര്ന്നു. രാജ്യത്തെ കോവിഡ് മരണനിരക്ക് ഇപ്പോഴും 1.5 ശതമാനം ആയി തുടരുകയാണ്.
Read also : യുഎഇ; കോവിഡ് ബാധിച്ച് അഞ്ച് മരണം, രോഗബാധിതര് 1,121