തിരുവനന്തപുരം: ഭിന്നശേഷിക്കാരുടെ നിര്ധനരായ അമ്മമാര്ക്ക് ഉപജീവനത്തിനായി ഇലക്ട്രിക് ഓട്ടോ സൗജന്യമായി നല്കുന്നതിന് ഭരണാനുമതി നല്കിയതായി ആരോഗ്യ സാമൂഹ്യനീതി വകുപ്പ് മന്ത്രി കെകെ. ശൈലജ അറിയിച്ചു.
നാഷണല് ട്രസ്റ്റ് നിയമത്തില് ഉള്പ്പെടുന്ന ഭിന്നശേഷിക്കാരുടെ സാമ്പത്തികമായി പിന്നോക്കം നില്ക്കുന്നവരും മറ്റ് വരുമാന മാര്ഗങ്ങള് ഇല്ലാത്തവരുമായ അമ്മമാര്ക്ക് സ്ഥിര വരുമാനം സാധ്യമാക്കുക എന്ന ലക്ഷ്യത്തോടെയാണ് ഒരു ഇലക്ട്രിക് ഓട്ടോ സൗജന്യമായി നല്കുന്ന പദ്ധതി ആവിഷ്കരിച്ചത്. ആദ്യ ഘട്ടം ഒരു ജില്ലയില് 2 പേർക്ക് വീതം 28 അമ്മമാര്ക്കാണ് ഇലക്ട്രിക് ഓട്ടോ നല്കുന്നത്. ഇതിനായി 49 ലക്ഷം രൂപയുടെ ഭരണാനുമതി നല്കിയതായും മന്ത്രി വ്യക്തമാക്കി.
വാഹനത്തിന്റെ ടാക്സ്, ഇന്ഷുറന്സ് തുടങ്ങിയവ അപേക്ഷകര് വഹിക്കേണ്ടതാണ്. വാഹനം ഗുണഭോക്താവിന്റെ പേരില് മാത്രമേ രജിസ്റ്റർ ചെയ്യാവൂ എന്നും ഒരിക്കലും കൈമാറ്റം ചെയ്യാന് പാടുള്ളതല്ല എന്നുമുള്ള സാക്ഷ്യപത്രം സാമൂഹ്യനീതി ഡയറക്ടർ വാങ്ങി ആര്ടിഒക്ക് നല്കുന്നതാണ്.
വാഹനം വില്ക്കുവാനോ കൈമാറ്റം ചെയ്യുവാനോ ഏതെങ്കിലും ധനകാര്യ സ്ഥാ പനങ്ങളില് ഈട് വെക്കുവാനോ പാടുള്ളതല്ല. അങ്ങനെ എന്തെങ്കിലും ശ്രദ്ധയില്പ്പെട്ടാല് വാഹനം തിരികെ പിടിച്ചെടുക്കുന്നതാണ്.
Also Read: തയ്യൽ തൊഴിലാളി ആനുകൂല്യങ്ങളിൽ വർധനവ്; ചികിൽസാ ധനസഹായം 25,000 രൂപയാക്കി ഉയർത്തി