പാലക്കാട് : തിരഞ്ഞെടുപ്പ് പ്രചാരണത്തിന്റെ ഭാഗമായി ദേശീയ കോൺഗ്രസ് നേതാവ് രാഹുൽ ഗാന്ധി നാളെ പാലക്കാട് എത്തും. കിലോമീറ്ററുകൾ നീളുന്ന റോഡ് ഷോയാണ് അദ്ദേഹം ജില്ലയിൽ നടത്തുന്നത്. പാലക്കാട് ടൗൺ മുതൽ തൃത്താലവരെ നടത്തുന്ന റോഡ് ഷോക്കുള്ള ഒരുക്കങ്ങൾ പൂർത്തിയാകുന്നതായി ഡിസിസി പ്രസിഡണ്ട് വികെ ശ്രീകണ്ഠൻ അറിയിച്ചു.
നാളെ ഉച്ചക്ക് 12 മണിയോടെ ഇന്ദിരാഗാന്ധി സ്റ്റേഡിയത്തിൽ ഹെലികോപ്റ്ററിൽ ഇറങ്ങുന്ന രാഹുൽ ഗാന്ധി കോട്ടമൈതാന കവാടം മുതൽ എസ്ബിഐ ജംഗ്ഷൻ വരെ നടത്തുന്ന റോഡ് ഷോയിൽ 20 മിനിറ്റ് പ്രസംഗിക്കും. അവിടെ നിന്നും കെഎസ്ആർടിസി, നൂറണി, മേലാമുറി, മേൽപ്പറമ്പ് വഴി പത്തിരിപ്പാല, ഒറ്റപ്പാലത്തൂകൂടി തൃത്താലവരെ സഞ്ചരിച്ച ശേഷം കൂറ്റനാട് ബസ് സ്റ്റാൻഡ് പരിസരത്ത് റോഡ് ഷോയുടെ സമാപന സമ്മേളനം നടക്കും. വൈകിട്ട് 3 മണിക്കാണ് സമാപന സമ്മേളനം.
Read also : സർക്കാരിനെ വെട്ടിലാക്കി സോളാറിൽ ക്രൈംബ്രാഞ്ച്; ഉമ്മൻ ചാണ്ടിക്ക് എതിരെ തെളിവില്ല