മലപ്പുറം: കൊച്ചുവേളി-നിലമ്പൂർ രാജ്യറാണി എക്‌സ്‌പ്രസിൽ ഒരു സ്ളീപ്പർ കോച്ച് കൂടി പുതുതായി അനുവദിച്ചു. ഇന്ത്യൻ റെയിൽവേ ആണ് ഇക്കാര്യം അറിയിച്ചത്. ട്രെയിനിൽ ഏഴ് സ്ളീപ്പർ കോച്ചുകളാണ് ഉണ്ടായിരുന്നത്. ഇതോടെ രാജ്യറാണിയിൽ സ്ളീപ്പർ കോച്ചുകളുടെ എണ്ണം എട്ടാകും.
ഒരു എസി ടു ടയർ കോച്ച്, ഒരു എസി ത്രീ ടയർ സ്ളീപ്പർ കോച്ചുകൾ, രണ്ട് ജനറൽ സെക്കൻഡ്‌ ക്‌ളാസ് കോച്ചുകൾ എന്ന ക്രമത്തിലായിരിക്കും കോച്ചുകൾ ഉണ്ടാവുക. വെള്ളിയാഴ്‌ച രാത്രി കൊച്ചുവേളിയിൽ നിന്ന് നിലമ്പൂരിലേക്ക് പുറപ്പെടുന്ന വണ്ടിയിലും, ശനിയാഴ്‌ച രാത്രി നിലമ്പൂരിൽ നിന്ന് കൊച്ചുവേളിയിലേക്ക് പോകുന്ന വണ്ടിയിലും പുതിയ സ്ളീപ്പർ കോച്ച് ഉണ്ടായിരിക്കും.
Most Read: കെ-റെയിൽ; ഹരജിക്കാരുടെ ഭൂമിയിൽ സർവേ നടത്തുന്നത് ഹൈക്കോടതി തടഞ്ഞു
