ആലപ്പുഴ: സംസ്ഥാന ജലഗതാഗത വകുപ്പ് പുതുതായി നിര്മ്മിച്ച വാട്ടര് ടാക്സിയുടെ ഉല്ഘാടനം നാളെ മുഖ്യമന്ത്രി പിണറായി വിജയന് നിര്വഹിക്കും. രാജ്യത്തെ ആദ്യ വാട്ടര് ടാക്സി ആലപ്പുഴയില് യഥാര്ഥ്യമാകുന്നതോടെ ജനങ്ങളുടെ ഏറെനാളത്തെ യാത്രാദുരിതത്തിന് പരിഹാരമാവുകയാണ്. വ്യാഴാഴ്ച രാവിലെ 11.30നാണ് ഉല്ഘാടനം.
ഇന്ത്യയില് തന്നെ ആദ്യമായി പ്രാബല്യത്തില് വരുന്ന ഈ സംവിധാനം ജലഗതാഗതത്തിന് ഏറ്റവും കൂടുതല് സുരക്ഷിതവും ആധുനിക സൗകര്യങ്ങളോടും കൂടിയുള്ളതാണെന്ന് സംസ്ഥാന ഡയറക്റ്റര് ഷാജി വി നായര് പറഞ്ഞു. കാറ്റാമറൈന് രീതിയില് 70 ലക്ഷത്തോളം രൂപ ചെലവിട്ടാണ് കൊച്ചി ആസ്ഥാനമായുള്ള നവ്ഗതി മറൈന് ഡിസൈന് ആന്ഡ് കണ്സ്ട്രക്ഷന്സ് പ്രൈവറ്റ് ലിമിറ്റഡ് വാട്ടര് ടാക്സിയുടെ നിര്മ്മാണം പൂര്ത്തീകരിച്ചിരിക്കുന്നത്.
പൊതുജനങ്ങള്ക്ക് ന്യായമായ നിരക്കില് വാട്ടര് ടാക്സിയുടെ സേവനം ഉപയോഗിക്കാന് കഴിയും. ഒരേ സമയം പത്ത് പേര്ക്ക് യാത്ര ചെയ്യാവുന്ന ഈ ബോട്ട് മണിക്കൂറില് 15 നോട്ടിക്കല് മൈല് വേഗത്തില് സഞ്ചരിക്കാനാവുന്നതാണ്. പൊതുജനങ്ങള്ക്കും വിനോദ സഞ്ചാരികള്ക്കും ഒരുപോലെ ഉപകാരപ്രദമാകും ഈ സംവിധാനം.
Malabar News: പൊന്നാനിയിലും വരുന്നു തൂക്കുപാലം