ബോളിവുഡിൽ ഏറ്റവുമധികം ആരാധകരുള്ള നടിമാരിൽ മുൻപന്തിയിലാണ് ആലിയ ഭട്ട്. താരത്തിന്റെ സ്റ്റൈൽ സ്റ്റേറ്റ്മെന്റുകളും ഫോട്ടോഷൂട്ടുകളും എല്ലാം സമൂഹ മാദ്ധ്യമങ്ങളിൽ വൈറൽ ആകാറുമുണ്ട്. ഇത്തരത്തിൽ താരത്തിന്റെ പുതിയ ചില ചിത്രങ്ങളാണ് ആരാധകർ ഏറ്റെടുത്തിരിക്കുന്നത്.
സെലിബ്രിറ്റി ഡിസൈനർ സബ്യസാചിയുടെ ലെഹങ്കയിൽ ആണ് ആലിയ ഇത്തവണ തിളങ്ങുന്നത്. തന്റെ പുതിയ സിനിമയായ ‘ആർആർആറി’ന്റെ പ്രചാരണത്തിനാണ് താരം ഗോൾഡൻ ലെഹങ്കയിൽ അതിസുന്ദരിയായി എത്തിയത്.
View this post on Instagram
മിറർ വർക്കുകളുള്ള ഹൈ വെയ്സ്റ്റ് ട്യൂള് ലെഹങ്കക്കൊപ്പം സിൽക് ചോളിയും വെൽവറ്റ് ദുപ്പട്ടയുമാണ് താരം പെയർ ചെയ്തത്. ദുപ്പട്ടയുടെ ഗോൾഡ് ബോർഡറിൽ എംബ്രോയ്ഡറിയുടെ സൗന്ദര്യം നിറഞ്ഞുനിൽക്കുന്നത് കാണാം.
സബ്യസാചിയുടെ തന്നെ ഹെറിട്ടേജ് ജുവൽറിയിൽ നിന്നുളള ജുംകയായിരുന്നു പ്രധാന ആക്സസറി. കൂടാതെ ഏതാനും മോതിരങ്ങളും താരം അണിഞ്ഞിട്ടുണ്ട്. ആമി പട്ടേലാണ് താരത്തെ സ്റ്റൈൽ ചെയ്തിരിക്കുന്നത്.
Most Read: പുതുവർഷം കളറാക്കാൻ ‘അർച്ചന’ എത്തുന്നു; റിലീസ് പ്രഖ്യാപനവുമായി ഐശ്വര്യ ലക്ഷ്മി