തിരുവനന്തപുരം : സംസ്‌ഥാനത്തെ കോളേജുകള്‍ ജനുവരി 4മുതല്‍ തുറക്കാന്‍ അനുമതി നല്‍കി സര്‍ക്കാര്‍ ഉത്തരവ് പുറത്തിറങ്ങി. പ്രൊഫഷണല്‍ കോളേജുകള്‍ ഉള്‍പ്പടെയുള്ള എല്ലാ ഉന്നത വിദ്യാഭ്യാസ സ്‌ഥാപനങ്ങളും തുറക്കാനുള്ള അനുമതി നല്‍കിക്കൊണ്ടാണ് സര്‍ക്കാര്‍ ഉത്തരവ് പുറത്തിറക്കിയത്.
ജനുവരി മുതല്‍ ക്ളാസുകള് ആരംഭിക്കാന്‍ തീരുമാനിച്ചതോടെ ഡിസംബര്‍ 28 മുതല്‍ പ്രിന്‍സിപ്പല്‍, അധ്യാപകര്‍, അനധ്യാപകര്‍ എന്നിവര്‍ കോളേജുകളില്‍ ഹാജരാകണമെന്ന് സര്‍ക്കാര്‍ ഉത്തരവില്‍ വ്യക്‌തമാക്കി. രാവിലെ എട്ടര മുതല്‍ വൈകുന്നേരം അഞ്ചര വരെയായിരിക്കും പ്രവര്‍ത്തനസമയം. ഇതില്‍ വിദ്യാര്‍ഥികള്‍ക്ക് പരമാവധി 5 മണിക്കൂര്‍ വരെ ക്ളാസുകള് എടുക്കാം. കൂടുതല്‍ വിദ്യാര്‍ഥികള്‍ ഉള്ള ക്ളാസുകള് 2 ഷിഫ്റ്റുകളാക്കി അധ്യയനം ക്രമീകരിക്കാമെന്നും ഉത്തരവില്‍ വ്യക്‌തമാക്കുന്നുണ്ട്.
സര്‍ക്കാര്‍ ഉത്തരവ് പ്രകാരം ശനിയാഴ്‌ചയും പ്രവൃത്തി ദിവസമായിരിക്കും. 50 ശതമാനം വിദ്യാര്‍ഥികളുമായി വേണം ഓരോ ക്ളാസുകളും പ്രവര്‍ത്തിക്കാന്‍. കൂടാതെ കോളേജുകളില്‍ ബിരുദ ക്‌ളാസുകളിലെ 5, 6 സെമസ്‌റ്ററുകളും, മുഴുവന്‍ പിജി ക്ളാസുകളും ജനുവരി 4 മുതല്‍ ആരംഭിക്കാനാണ് സര്‍ക്കാര്‍ അനുവാദം നല്‍കിയിരിക്കുന്നത്. ഒപ്പം തന്നെ ഗവേഷണ വിദ്യാര്‍ഥികള്‍ക്കും കോളേജുകളില്‍ എത്താമെന്ന് ഉത്തരവില്‍ വ്യക്‌തമാക്കിയിട്ടുണ്ട്.
Read also : തൽസമയ ഓൺലൈൻ വായ്‌പ; കെണിയിൽ വീഴരുതെന്ന മുന്നറിയിപ്പുമായി റിസർവ് ബാങ്ക്
