കോവിഡ് വ്യാപനം രൂക്ഷമാവുന്ന സാഹചര്യത്തില് ജീവനക്കാര്ക്ക് ‘വര്ക്ക് ഫ്രം ഹോം’ കാലാവധി നീട്ടി നല്കിയിരിക്കുകയാണ് ആമസോണ്. 2021 ജൂണ് 30 വരെയാണ് ആമസോണ് ജീവനക്കാര്ക്ക് കാലാവധി നീട്ടി നല്കിയിരിക്കുന്നത്. നേരത്തെ ജീവനക്കാര്ക്ക് ജനുവരി എട്ട് വരെ വീട്ടിലിരുന്ന് ജോലി ചെയ്യാനുളള അനുമതിയായിരുന്നു ആമസോണ് നല്കിയിരുന്നത്.
അതേസമയം ആമസോണ് കോര്പ്പറേറ്റ് ഓഫീസ് തുറന്നു പ്രവര്ത്തിക്കുമെന്നും ആമസോണ് വക്താവ് അറിയിച്ചു. വര്ക്ക് ഫ്രം ഹോം’ സാധ്യമാവുന്നവര്ക്ക് അത് തുടരാമെന്ന് അദ്ദേഹം വ്യക്തമാക്കി. എന്നാല് വെയര്ഹൗസ് ജീവനക്കാര്ക്കും മറ്റ് ദിവസ വേതന ജീവനക്കാര്ക്കും ‘വര്ക്ക് ഫ്രം ഹോം’ ലഭ്യമല്ലെന്ന് കമ്പനി കൂട്ടിച്ചേര്ത്തു.
ഓഫിസില് എത്തി ജോലി ചെയ്യുന്നവരുടെ സുരക്ഷക്കാവശ്യമായ മുന്കരുതലുകള് എടുത്തിട്ടുണ്ടെന്നും ഇതിനായി ഫണ്ട് അനുവദിച്ചിട്ടുണ്ടെന്നും ആമസോണ് പറഞ്ഞു.
Read Also: നടന് വിജയ് ഉടന് രാഷ്ട്രീയത്തില് ഇറങ്ങുമെന്ന് പിതാവ്