തൃശൂർ: എൽഡിഎഫ് സർക്കാരിനെതിരെ പ്രതിപക്ഷം ഉയർത്തിക്കൊണ്ടുവന്ന പ്രധാന ആരോപണങ്ങളിലൊന്നായ ലൈഫ് മിഷൻ പദ്ധതി ഏറെ ചർച്ചയായ വടക്കാഞ്ചേരി മണ്ഡലത്തിലും കോൺഗ്രസിന് ദയനീയ പരാജയം. യുഡിഎഫ് സ്ഥാനാർഥി അനിൽ അക്കരയെ 13,580 വോട്ടുകൾക്ക് എൽഡിഎഫ് സ്ഥാനാർഥി സേവ്യർ ചിറ്റിലപ്പള്ളി തോൽപ്പിച്ചു.
10 വർഷങ്ങൾക്ക് ശേഷമാണ് എൽഡിഎഫ് മണ്ഡലം തിരിച്ചുപിടിക്കുന്നത്. തൃശൂർ ജില്ലയിൽ യുഡിഎഫിന് ഉണ്ടായിരുന്ന ഏക സീറ്റാണ് വടക്കാഞ്ചേരി. കഴിഞ്ഞ തവണ 43 വോട്ടുകൾക്കാണ് അനിൽ അക്കര ഇവിടെ വിജയിച്ചത്. അനിൽ അക്കര തുടങ്ങിവച്ച ലൈഫ് മിഷന് വിവാദം പിണറായി വിജയൻ സര്ക്കാരിനെ പ്രതിരോധത്തിലാക്കിയിരുന്നു.
തിരഞ്ഞെടുപ്പ് പ്രചാരണത്തിലും ലൈഫ് മിഷൻ അഴിമതി ആരോപണവും തുടർ സംഭവവികാസങ്ങളും വലിയ ചർച്ചയായിരുന്നു. എന്നാൽ ഇതിനെയെല്ലാം മറികടന്നാണ് എൽഡിഎഫ് മണ്ഡലം തിരിച്ചുപിടിച്ചത് എന്നത് അവരുടെ വിജയത്തിന്റെ തിളക്കം വർധിപ്പിക്കുന്നു.
Also Read: ധര്മ്മടത്ത് അരലക്ഷത്തിലേക്ക് അടുത്ത് പിണറായി വിജയന്റെ ലീഡ്