കോഴിക്കോട്: ജില്ലയിൽ വിദ്യാർഥികൾക്കുള്ള ഓൺലൈൻ ക്ളാസിൽ സാമൂഹ്യ വിരുദ്ധരുടെ നുഴഞ്ഞുകയറ്റം. വ്യാജ ഐഡി സൃഷ്‌ടിച്ച് ക്‌ളാസുകളിൽ നുഴഞ്ഞു കയറുന്ന ഇവർ അസഭ്യം പറയുകയും, ക്‌ളാസ് അലങ്കോലപ്പെടുത്താൻ ശ്രമിക്കുകയും ചെയ്യുന്നുവെന്നാണ് പരാതി.
ഓൺലൈൻ ക്‌ളാസ് നടക്കുന്നതിനിടെയാണ് ഇത്തരത്തിൽ വ്യാജ ഐഡിയിലൂടെ എത്തുന്ന സാമൂഹ്യ വിരുദ്ധർ വിദ്യാർഥികൾക്ക് മുന്നിൽ അസഭ്യം പറയുന്നത്. തുടർന്ന് അധ്യാപിക ഉടൻ തന്നെ ക്‌ളാസ് അവസാനിപ്പിക്കുയും ചെയ്‌തു.
വ്യാജ ഐഡിയിലൂടെയാണ് ലിങ്കിൽ കയറിയതെന്നും, അതിനാൽ തങ്ങളെ ഒന്നും ചെയ്യാൻ കഴിയില്ലെന്നും സാമൂഹ്യ വിരുദ്ധർ ഭീഷണിപ്പെടുത്തിയതായും പരാതിയിൽ വ്യക്‌തമാക്കുന്നുണ്ട്. സ്‌കൂൾ അധികൃതർ കൂരാച്ചുണ്ട് പോലീസിനാണ് പരാതി നൽകിയത്. തുടർന്ന് പരാതി സൈബർ സെല്ലിന് കൈമാറിയിട്ടുണ്ട്.
Read also: നിയമസഭാ കയ്യാങ്കളി കേസ്; കക്ഷി ചേർക്കണമെന്ന് രമേശ് ചെന്നിത്തല
