കോഴിക്കോട്: പുതിയ ജില്ലാ വികസന കമ്മീഷണറായി അനുപം മിശ്ര ചുമതലയേറ്റു. ഉത്തർപ്രദേശ് സുൽത്താൻപൂർ സ്വദേശിയാണ് ഇദ്ദേഹം. 2018-ൽ ഐഎഎസ് ബാച്ച് ഉദ്യോഗസ്ഥനായിരുന്നു. കൊല്ലം, ആലപ്പുഴ സബ് കളക്ടർ ആയും സേവനം അനുഷ്ഠിച്ചിട്ടുണ്ട്.
ജില്ലയിലെ പ്രധാന വികസന പദ്ധതികളുടെ പുരോഗതി നിരീക്ഷിക്കുക, അവലോകനം ചെയ്യുക, വിവിധ വകുപ്പ് സെക്രട്ടറിമാർക്ക് പ്രതിമാസ പുരോഗതി റിപ്പോർട്ടുകൾ സമർപ്പിക്കുക, ക്രമസമാധാന പ്രശ്നങ്ങൾ പരിഹരിക്കാൻ ജില്ലാ മജിസ്ട്രേറ്റിനെ സഹായിക്കുക, പൊലീസുമായും മറ്റ് എൻഫോഴ്സ്മെന്റ് ഏജൻസികളുമായും ഏകോപനം നടത്തുക എന്നിവയാണ് വികസന കമ്മീഷണർ എന്ന നിലയിൽ അദ്ദേഹത്തിന്റെ ചുമതലകൾ.