നിലപാടുകളിൽ വിട്ടുവീഴ്‌ചയില്ലാത്ത വ്യക്‌തി; പിടിയെ അനുസ്‌മരിച്ച് നേതാക്കൾ

By News Desk, Malabar News
assembly paying homage to late mla pt thomas
Ajwa Travels

തിരുവനന്തപുരം: അന്തരിച്ച തൃക്കാക്കര എംഎൽഎ പിടി തോമസിന് ആദരമർപ്പിച്ച് നിയമസഭ. സജീവവും ചടുലവുമായി ഇടപെട്ട് സ്വന്തമായി നിലപാടുകൾ ഉണ്ടായിരുന്ന നേതാവായിരുന്നു പിടി തോമസെന്ന് മുഖ്യമന്ത്രി പിണറായി വിജയൻ പറഞ്ഞു. നിലപാടുകളിൽ അദ്ദേഹം വിട്ടുവീഴ്‌ച ചെയ്‌തില്ല. ചില നിലപാടുകൾ വ്യക്‌തിനിഷ്‌ഠമായിരുന്നു. ഇത് അദ്ദേഹത്തിന്റെ പാർട്ടിയിൽ പോലും വ്യത്യസ്‌തനാക്കി.

പിടിയെ നഷ്‌ടപ്പെട്ടത് ദുഃഖകരമാണ്. കേട്ടില്ല എന്ന് ആർക്കും നടിക്കാൻ കഴിയാത്ത ശബ്‌ദമായിരുന്നു പിടിയുടേതെന്നും മുഖ്യമന്ത്രി സഭയിൽ അനുസ്‌മരിച്ചു. ജാഗ്രതയോടും ശക്‌തമായും ഇടപെട്ട സാമാജികനായിരുന്നു പിടി തോമസെന്ന് സ്‌പീക്കർ അഭിപ്രായപ്പെട്ടു.

പിടിയുടെ വിയോഗം ഉൾക്കൊള്ളാനാകുന്നില്ലെന്ന് പ്രതിപക്ഷ നേതാവ് വിഡി സതീശൻ പറഞ്ഞു. വിദ്യാർഥി യുവജന രാഷ്‌ട്രീയത്തിലെ അഗ്‌നി അദ്ദേഹം അവസാനം വരെ കെടാതെ സൂക്ഷിച്ചു. പരിസ്‌ഥിതി നിലപാടുകൾ പല പ്രയാസങ്ങളും നേരിട്ടെങ്കിലും പിന്നോട്ടുപോയില്ല. പിടി ഒരു പോരാളിയായിരുന്നു. എല്ലാ പോരാട്ടങ്ങളുടെയും കുന്തമുനയായി നിന്നു. ജാതി മത ചിന്തകൾക്ക് അതീതനായിരുന്നു അദ്ദേഹം. വരും നാളുകളിൽ പിടിയുടെ ഓർമകൾ വഴിയിലെ പ്രകാശമായിരിക്കുമെന്നും സതീശൻ അനുസ്‌മരിച്ചു.

Also Read: സിപിഎം പ്രവർത്തകന്റെ കൊലപാതകം: അന്വേഷണം ഊർജിതം, സുരക്ഷ ശക്‌തം; കമ്മീഷണർ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE