പാലക്കാട്: ഒലവക്കോട് യുവതിയെ തീകൊളുത്തി കൊല്ലാൻ ശ്രമം. മലമ്പുഴ സ്വദേശി സരിതയെ ഭർത്താവ് ബാബുരാജാണ് കൊല്ലാൻ ശ്രമിച്ചത്. ശരീരത്തിൽ പെട്രോൾ ഒഴിച്ചെങ്കിലും യുവതി പെട്ടെന്ന് തന്നെ ഓടിമാറിയതിനാൽ തീ കൊളുത്താനുള്ള ശ്രമം പരാജയപ്പെട്ടു.
യുവതി ബ്യൂട്ടീഷൻ കോഴ്സ് പഠിക്കാനെത്തിയപ്പോഴാണ് സംഭവം. ക്ളാസ് റൂമിൽ എത്തിയാണ് ബാബുരാജ് സരിതയെ കൊല്ലാൻ ശ്രമിച്ചത്. സംഭവ സ്ഥലത്ത് നിന്ന് രക്ഷപെട്ട ഇയാൾ പിന്നീട് മലമ്പുഴ സ്റ്റേഷനിൽ കീഴടങ്ങി. കുടുംബ വഴക്കാണ് കൊലപാതക ശ്രമത്തിലേക്ക് നയിച്ചതെന്നാണ് സൂചന. യുവതിയെ അടുത്തുള്ള ആശുപത്രിയിലേക്ക് മാറ്റി.
Also Read: കള്ളപ്പണം വെളുപ്പിക്കല് കേസ്; വീണ്ടും ജാമ്യാപേക്ഷ സമര്പ്പിച്ച് ബിനീഷ്