മസ്‌കറ്റ്: ഒമാനിലേക്ക് മയക്കുമരുന്ന് കടത്താൻ ശ്രമിച്ച എട്ട് പേരെ പോലീസ് അറസ്‌റ്റ്‌ ചെയ്‌തു. നർക്കോട്ടിക്‌സ് ആൻഡ് സൈക്കോട്രോപിക് സബ്‌സ്‌റ്റൻസ് കൺട്രോൾ വിഭാഗവും കോസ്‌റ്റ് ഗാർഡ് പോലീസ് കമാൻഡും ചേർന്നാണ് പ്രതികളെ പിടികൂടിയത്.
അറസ്‌റ്റിലായ എല്ലാവരും അനധികൃതമായാണ് രാജ്യത്ത് പ്രവേശിച്ചത്. രണ്ട് മൽസ്യബന്ധന ബോട്ടുകളിലായി ലഹരി മരുന്നുകളുടെ വൻ ശേഖരമാണ് ഇവർ ഒമാനിൽ എത്തിച്ചത്. 80 കിലോ ഗ്രാമിലധികം ക്രിസ്‌റ്റലും 68 കിലോഗ്രാം ഹാഷിഷും പിടിച്ചെടുത്തവയിൽ ഉൾപ്പെടുന്നു. അറസ്‌റ്റിലായവർക്ക് എതിരായ നിയമനടപടികൾ ഇതിനോടകം പൂർത്തീകരിച്ചതായും റോയൽ ഒമാൻ പോലീസ് പുറത്തിറക്കിയ പ്രസ്‌താവനയിൽ പറയുന്നു.
Also Read: ആര്‍എസ്എസിനെ താലിബാനോടുപമിച്ചു; ജാവേദ് അക്‌തർ മാപ്പ് പറയണമെന്ന് ബിജെപി
