കുഞ്ഞുങ്ങളെ സംബന്ധിച്ച് പരിചിതമല്ലാത്ത വ്യക്തികളും ശബ്ദങ്ങളും വസ്തുക്കളുമെല്ലാം പേടിപ്പെടുത്തുന്ന കാര്യങ്ങളാണ്. ഇത്തരം സന്ദർഭങ്ങളിൽ അമ്മയുടേയോ അച്ഛന്റേയോ അല്ലെങ്കിൽ വീട്ടിലുള്ള മറ്റുള്ളവരുടേയോ അരികിൽ പറ്റിച്ചേർന്നു നിൽക്കുകയാണ് പതിവ്. ഇതുപോലെ പേടിച്ചരണ്ട ഒരു കുഞ്ഞാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. എന്നാൽ, ഇവിടെ കുഞ്ഞ് പേടിച്ച് ഒളിച്ചത് അമ്മയുടേയോ അച്ഛന്റേയോ പിന്നിലല്ല, വീട്ടിലെ വളർത്തുനായയുടെ അരികിലാണ്.
Read Also: ആഗ്രഹങ്ങളെ തടഞ്ഞു വെക്കരുത്; നൂതന വീൽചെയറുമായി യുവാവ്
വീട്ടിലെ വാക്വം ക്ളീനറിന്റെ ശബ്ദം കേട്ടാണ് കുഞ്ഞ് പേടിച്ചത്. മുറിയിലേക്ക് പോകുന്നതിനിടെ വാക്വം ക്ളീനറിന്റെ ഉച്ചത്തിലുള്ള ശബ്ദം കേട്ട കുഞ്ഞ് ഓടിച്ചെന്ന് വളർത്തുനായയെ കെട്ടിപ്പിടിക്കുകയായിരുന്നു. ശബ്ദം നിലച്ചിട്ടും കുഞ്ഞ് നായയെ വിട്ടു മാറാൻ തയ്യാറായില്ല. കുഞ്ഞു വന്നു കെട്ടിപിടിച്ചപ്പോൾ കരുതലെന്നോണം നായ അനങ്ങാതെ നിൽക്കുകയും ചെയ്തു.
‘വെൽകം ടു നേച്ചർ’ എന്ന ട്വിറ്റർ അക്കൗണ്ടിലാണ് ഈ രസകരമായ വീഡിയോ പങ്കുവച്ചിരിക്കുന്നത്. ഇതിനോടകം പതിനായിരങ്ങളാണ് വീഡിയോ കണ്ടത്. ലൈക്കുകളും രസകരമായ കമന്റുകളും വീഡിയോക്ക് ലഭിക്കുന്നുണ്ട്.
Baby scared of the vacuum, runs to the dog for protection pic.twitter.com/TEQzNNdtjv
— Welcome To Nature (@welcomet0nature) September 10, 2020
