ബഹ്‌റൈന്‍: രാജ്യത്ത് റസ്‌റ്റോറന്റുകളിലും കഫേകളിലും അകത്ത് ഭക്ഷണം കൊടുക്കുന്നത് ആരംഭിച്ചു. ഇത് സംബന്ധിച്ച സര്‍ക്കാര്‍ അനുമതിക്ക് പുറകെയാണ് കഴിഞ്ഞ ദിവസം റസ്‌റ്റോറന്റുകളില്‍ അകത്ത് ഭക്ഷണം നല്‍കി തുടങ്ങിയത്. വരും ദിവസങ്ങളില്‍ റസ്‌റ്റോറന്റുകളും കഫേകളും സജീവമാകുമെന്നാണ് ഉടമകള്‍ കരുതുന്നത്.
റസ്‌റ്റോറന്റുകളില്‍ അകത്ത് ഭക്ഷണം നല്‍കുന്നതിന് കര്‍ശന നിര്‍ദേശങ്ങളാണ് ആരോഗ്യ മന്ത്രാലയം നല്‍കിയിരിക്കുന്നത്. ഒരു സമയം 30 പേര്‍ക്ക് മാത്രമേ ഇരുന്ന് കഴിക്കാന്‍ അനുമതിയുള്ളു. കോവിഡ് വ്യാപനത്തെ തുടര്‍ന്ന് അടച്ചിട്ട റസ്‌റ്റോറന്റുകളും കഫേകളും ഘട്ടം ഘട്ടമായാണ് തുറന്നത്. റസ്‌റ്റോറന്റുകള്‍ക്ക് പുറത്ത് ഭക്ഷണം നല്‍കുന്നത് സെപ്റ്റംബര്‍ 3ന് തന്നെ ആരംഭിച്ചിരുന്നു.
Read also: ഒമാന്‍; ഒന്‍പത് മാസത്തിനുള്ളില്‍ 2.63 ലക്ഷം പ്രവാസികള്‍ മടങ്ങി
