കോഴിക്കോട് : ജില്ലയിൽ നിരോധിത പുകയില ഉൽപന്നങ്ങളുമായി പച്ചക്കറി വ്യാപാരി അറസ്‌റ്റിൽ. താമരശ്ശേരി മിനി ബൈപ്പാസ് ജംഗ്ഷനിൽ പച്ചക്കറിക്കട നടത്തുന്ന കാരാടി കുറുന്തോട്ടിക്കണ്ടിയിൽ റഫീഖ്(38) ആണ് അറസ്‌റ്റിലായത്. 145 പാക്കറ്റ് നിരോധിത പുകയില ഉൽപന്നങ്ങളാണ് ഇയാളുടെ പക്കൽ നിന്നും പോലീസ് കണ്ടെടുത്തത്.
ഏതാനും ദിവസങ്ങൾക്ക് മുൻപും റഫീഖിന്റെ കടയിൽ നിന്നും നിരോധിത പുകയില ഉൽപന്നങ്ങൾ കണ്ടെടുത്തിരുന്നു. തുടർന്ന് കഴിഞ്ഞ ദിവസം നടത്തിയ റെയ്‌ഡിലാണ് പച്ചക്കറികൾക്കിടയിൽ ഒളിപ്പിച്ച് വച്ചിരുന്ന പുകയില ഉൽപന്നങ്ങൾ പോലീസ് കണ്ടെടുത്തത്.
നിലവിൽ അറസ്‌റ്റ് രേഖപ്പെടുത്തിയ ശേഷം റഫീഖിനെ ജാമ്യത്തിൽ വിട്ടു. താമരശ്ശേരി എസ്ഐ ശ്രീജേഷ്, സീനിയർ സിപിഒ വിനോദ് കുമാർ, സിപിഒമാരായ അബ്‌ദുൾ റസാഖ്, പ്രസാദ് എന്നിവരുൾപ്പെട്ട സംഘമാണ് പരിശോധന നടത്തിയത്.
Read also : വിജിതയുടെ മരണം; വനിതാ കമ്മീഷൻ സ്വമേധയാ കേസെടുത്തു
