തിരുവനന്തപുരം: കോവിഡ് വർധിക്കുന്ന സാഹചര്യത്തിൽ ബിവറേജസ് കോർപറേഷൻ ഔട്ട്ലെറ്റുകളുടെ പ്രവർത്തന സമയം ഒരു മണിക്കൂർ കുറച്ചു. നിലവിൽ രാവിലെ 10 മുതൽ രാത്രി 9 വരെയാണ് സമയം. ഇനി മുതൽ രാത്രി 8 മണിക്ക് ഷോപ്പുകൾ അടയ്‌ക്കും.
കർഫ്യൂ ആരംഭിക്കുന്നതിന് മുൻപ് ജീവനക്കാർക്ക് വീടുകളിലെത്താനുള്ള സൗകര്യം ഒരുക്കണമെന്ന് ബെവ്കോ അധികൃതര്‍ നിർദേശിച്ചു. 265 ഔട്ട്ലെറ്റുകളാണ് ബെവ്കോക്കുള്ളത്. കോവിഡ് വർധിക്കുന്ന സാഹചര്യത്തിൽ ബെവ്ക്യൂ ആപ്പ് വീണ്ടും ഉപയോഗിക്കുന്നതിനെ ക്കുറിച്ച് ആലോചനകൾ നടത്തിയിട്ടില്ലെന്ന് അധികൃതർ അറിയിച്ചു.
Read Also: സർക്കാർ ജീവനക്കാരുടെ ശമ്പളവും പെൻഷനും വർധിപ്പിക്കരുത്; ഹരജി സുപ്രീം കോടതി തള്ളി
