കൊല്ലം: ജില്ലയിൽ ആദ്യമായി ബ്ളാക്ക് ഫംഗസ് രോഗം റിപ്പോർട്ട് ചെയ്‌തു. 42 വയസുകാരിയായ പൂയപ്പള്ളി സ്വദേശിനിക്കാണ് ഫംഗസ് ബാധ സ്‌ഥിരീകരിച്ചത്. ഇവർക്ക് ഒരാഴ്‌ചയോളം കണ്ണിൽ മങ്ങലും അസഹനീയമായ തലവേദനയും അനുഭവപ്പെട്ടിരുന്നു. തുടർന്ന് കൊല്ലത്തെ സ്വകാര്യ മെഡിക്കൽ കോളേജിൽ പ്രവേശിപ്പിച്ച രോഗിയെ അടിയന്തിര ശസ്‍ത്രക്രിയക്ക് വിധേയയാക്കി.
മഹാരാഷ്‌ട്രയിലും, ഗുജറാത്തിലും കാണുന്ന പ്രത്യേക ഫംഗൽ ഇൻഫെക്ഷൻ അപൂർവമായി കേരളത്തിലും ദൃശ്യമായിട്ടുണ്ടെന്ന് കഴിഞ്ഞ ദിവസം മുഖ്യമന്ത്രി വാർത്താ സമ്മേളനത്തിൽ സ്‌ഥിരീകരിച്ചിരുന്നു. സംസ്‌ഥാന മെഡിക്കൽ ബോർഡും മെഡിക്കൽ കോളേജുകളിലെ ഇൻഫെക്ഷൻ ഡിസീസ് ഡിപ്പാർട്ട്മെന്റും ബ്ളാക്ക് ഫംഗസ് സാമ്പിളുകൾ ശേഖരിച്ച് കൂടുതൽ പരിശോധനക്ക് വിധേയമാക്കുന്നുണ്ട് എന്നും മുഖ്യമന്ത്രി അറിയിച്ചിരുന്നു.
Read also: നിയുക്‌ത മന്ത്രി വി അബ്‌ദുറഹ്‌മാൻ ദേഹാസ്വാസ്‌ഥ്യത്തെ തുടർന്ന് ആശുപത്രിയിൽ
