‘വെടിക്കെട്ട്’ ഷൂട്ടിങ്ങിനിടെ വിഷ്‌ണു ഉണ്ണികൃഷ്‌ണന്‌ പൊള്ളലേറ്റു

By Central Desk, Malabar News
Burns Vishnu Unnikrishnan from 'vedikkettu' movie shooting
Ajwa Travels

കൊച്ചി: ‘വെടിക്കെട്ട്’ എന്ന ചിത്രത്തിന്റെ ഷൂട്ടിങ്ങിനിടെ വൈകിട്ട് ഏഴോടെ വിഷ്‌ണു ഉണ്ണികൃഷ്‌ണന്‌ പൊള്ളലേറ്റു. പുഴയിലൂടെ കടന്നുവന്ന വള്ളത്തിൽ നിന്ന് കത്തുന്ന വിളക്കുമായി കരയിലേക്കു കയറുന്ന രംഗം ചിത്രീകരിക്കുന്ന സമയത്താണ് അപകടം സംഭവിച്ചത്.

കൊച്ചിയിലെ വൈപ്പിനിലാണ് ചിത്രീകരണം നടക്കുന്നത്. ഇവിടെ വൈകിട്ട് 5 മുതൽ ഷൂട്ടിങ്ങിനായി കത്തിച്ചുവച്ചിരുന്ന വിളക്കിന്റെ ചൂടേറിയ എണ്ണ വിഷ്‌ണുവിന്റെ കൈകളിലേക്ക് മറിഞ്ഞുവീഴുകയും തീ പടരുകയും ചെയ്‌തതിലൂടെയാണ് അപകടം സംഭവിച്ചത്. കൊച്ചിയിൽ സ്വകാര്യ ആശുപത്രിയിൽ പ്രവേശിപ്പിച്ച വിഷ്‌ണുവിന്റെ കൈകളിൽ പ്ളാസ്‌റ്റിക് സർജറി ആവശ്യമാണെന്ന് ഡോക്‌ടർമാർ അറിയിച്ചു.

വിഷ്‌ണുവിനെ സഹായിക്കാനെത്തിയ ചിത്രീകരണ സംഘത്തിൽ ഉണ്ടായിരുന്ന മറ്റൊരു ജൂനിയർ ആർട്ടിസ്‌റ്റിനും പൊള്ളലേറ്റിട്ടുണ്ട്. അത് ഗുരുതരമല്ലെന്ന് അണിയറ പ്രവർത്തകർ അറിയിച്ചു. അപകടത്തെ തുടർന്ന് ‘വെടിക്കെട്ട്’ ചിത്രീകരണം ഒരാഴ്‌ചത്തേക്ക് മാറ്റിവെച്ചു.

താരങ്ങളും തിരക്കഥാ രചയിതാക്കളുമായ ബിബിൻ ജോർജും വിഷ്‌ണു ഉണ്ണികൃഷ്‌ണനും ചേർന്നു സംവിധാനം ചെയ്യുകയും അഭിനയിക്കുകയും ചെയ്യുന്ന ചിത്രമാണ് വെടിക്കെട്ട്. ബാദുഷാ സിനിമാസിന്റെയും പെന്‍ ആന്‍ഡ് പേപ്പർ ബാനറിന്റെയും കീഴിൽ എന്‍എം ബാദുഷ, ഷിനോയ് മാത്യൂ എന്നിവര്‍ ചേര്‍ന്ന് നിർമിക്കുന്നതാണ് ചിത്രം.’14 ഇലവൺ സിനിമാസ്’ എന്ന ബാനറിൽ റോഷിത്ത് ലാൽ സഹനിർമാണവും വഹിക്കുന്നു.

NATIONAL: ഉമർ ഖാലിദിന്റെ പ്രസംഗം ഭീകര പ്രവർത്തനമല്ല; ഡെൽഹി ഹൈക്കോടതി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE