ന്യൂഡെൽഹി : പ്രധാനമന്ത്രി നരേന്ദ്രമോദിക്കെതിരെ ട്വീറ്റ് ചെയ്ത സംഭവത്തിൽ നടി ഓവിയ ഹെലനെതിരെ കേസ്. തമിഴ്നാട് ബിജെപി നേതാവിന്റെ പരാതിയിൽ എഗ്മോർ പോലീസ് ആണ് കേസ് രജിസ്റ്റർ ചെയ്തത്. പ്രധാനമന്ത്രിയുടെ ചെന്നൈ സന്ദർശനത്തിന് മുൻപാണ് ‘ഗോ ബാക്ക് മോദി’ എന്ന ഹാഷ്ടാഗോടെ ഓവിയ ഹെലൻ ട്വീറ്റ് ചെയ്തത്.
തുടർന്നാണ് ട്വീറ്റിനെതിരെ തമിഴ്നാട് ബിജെപി നേതാവ് പരാതിയുമായി രംഗത്ത് വന്നത്. ഓവിയയുടെ ട്വീറ്റിന് പിന്നാലെ നിരവധി ആളുകൾ പ്രധാമന്ത്രിക്കെതിരെ പ്രതിഷേധവുമായി എത്തിയെന്ന് പരാതിയിൽ വ്യക്തമാക്കുന്നുണ്ട്. ഇതിലൂടെ ക്രമസമാധാന പ്രശ്നങ്ങൾ ഉണ്ടായെന്നും, ഇക്കാര്യം വിശദമായി അന്വേഷിക്കണമെന്നുമാണ് അദ്ദേഹം പരാതിയിൽ കൂട്ടിച്ചേർത്തത്. കൂടാതെ ഈ പ്രവൃത്തി ചെയ്തയാളുടെ ഉദ്ദേശ്യം എന്തായിരുന്നുവെന്ന് കണ്ടെത്തണമെന്നും അദ്ദേഹം പരാതിയിൽ ആവശ്യപ്പെടുന്നുണ്ട്.
Read also : ഇന്ത്യയിലെ ആദ്യത്തെ വാട്ടർ മെട്രോ കൊച്ചിയിൽ യാഥാർഥ്യമായി; സർവീസ് മാർച്ച് മുതൽ