മലപ്പുറം: കിഴക്കേത്തലയില്‍ വാഹന പരിശോധനക്കിടെ മലപ്പുറം സ്‌റ്റേഷനിലെ വനിതാ എസ്ഐയോട് അപമര്യാദയായി പെരുമാറിയതിന് ആറ് പേര്‍ക്കെതിരെ കേസെടുത്തു.
വളാഞ്ചേരി സ്വദേശിയായ ഫൈസല്‍ (26), മേല്‍മുറി സ്വദേശികളായ അര്‍ശാദ് (20), ഫായിസ് (20), നിഷാദ്(27), ജാഫര്‍ (30), മുഹമ്മദ് ഷാഫി (36) എന്നിവര്‍ക്ക് എതിരെയാണ് കേസ് എടുത്തിരിക്കുന്നത്.
തിങ്കളാഴ്‌ച രാവിലെയാണ് കേസിന് ആസ്‌പദമായ സംഭവം നടന്നത്. കിഴക്കേത്തലയില്‍ വാഹന പരിശോധനക്കിടെ കരിങ്കല്ലുമായി വരികയായിരുന്ന ലോറി പോലീസ് കൈ കാണിച്ച്‌ നിര്‍ത്തി. തുടർന്ന് ലോറിയില്‍ അമിത ലോഡ് കയറ്റിയതിന് പിഴയടക്കാൻ പോലീസ് ആവശ്യപ്പെട്ടു.
എന്നാല്‍ പിഴ അടക്കാന്‍ സമ്മതിക്കാതെ ലോറി ഡ്രൈവര്‍ ഫൈസലും സംഘവും വനിതാ എസ്ഐയോട് അപമര്യാദയായി പെരുമാറുകയായിരുന്നു. വൈകിട്ടോടെ ഇവരുടെ അറസ്‌റ്റ് രേഖപ്പെടുത്തി. കൃത്യവിര്‍വഹണം തടസപ്പെടുത്തിയതും ചേര്‍ത്താണ് ഇവർക്കെതിരെ കേസ് രജിസ്‌റ്റര്‍ ചെയ്‌തിരിക്കുന്നത്.
Malabar News: കോവിഡ് വ്യാപനം; ജില്ലയിൽ അഞ്ചു ദിവസം നിർണായകമെന്ന് ആരോഗ്യ വകുപ്പ്
