മക്കൾ ‘മനുഷ്യരാകണം’; മന്ത്രി കെ രാജൻ പൊന്നാനി സ്‌ത്രീധനരഹിത വിവാഹ സംഗമത്തിൽ
മക്കൾ ആരാകണമെന്ന ചോദ്യത്തിന് മനുഷ്യരാകണമെന്ന ഉത്തരം നൽകുന്ന രക്ഷിതാക്കളാണ്‌ കാലഘട്ടത്തിന്റെ ആവശ്യമെന്ന് പൊന്നാനി കൾച്ചറൽ വേൾഡ് ഫൗണ്ടേഷന്റെ (PCWF) ആഭിമുഖ്യത്തിൽ നടത്തിയ സ്‌ത്രീധന രഹിത വിവാഹ സംഗമം ഉൽഘാടനം ചെയ്‌ത്‌ സംസാരിക്കവെ റവന്യൂമന്ത്രി കെ രാജൻ.
പൊന്നാനി: നല്ല മനുഷ്യരാൽ മനോഹരമാക്കപ്പെട്ട സമൂഹ സൃഷ്‍ടിക്കായി ഒന്നായി പ്രവർത്തിക്കാൻ പുതുവൽസര ദിനത്തിൽ പ്രതിജ്‌ഞ എടുക്കണമെന്നും മന്ത്രി കെ രാജൻ ചടങ്ങിൽ ആവശ്യപ്പെട്ടു.
പിസിഡബ്ള്യുഎഫ്‌ പ്രസിഡന്റ് സിഎസ് പൊന്നാനി അധ്യക്ഷത വഹിച്ച ചടങ്ങിൽ ടിഎൻ പ്രതാപൻ എംപി മുഖ്യപ്രഭാഷണം നിർവഹിച്ചു. സാഹിത്യകാരൻ കെപി രാമനുണ്ണി സ്‌ത്രീധന വിരുദ്ധ സന്ദേശം നൽകി. നിക്കാഹിന് മഖ്‌ദും മുത്തുകോയ തങ്ങൾ നേതൃത്വം നൽകി.
പത്ത് യുവതീ യുവാക്കളുടെ വിവാഹമാണ്‌ സംഗമത്തിൽ നടന്നത്. വധൂ-വരൻമാർക്കുള്ള ഉപഹാരം സഫാരി ഗ്രൂപ്പ് ചെയർമാൻ മടപ്പാട്ട് അബൂബക്കർ കൈമാറി. പി നന്ദകുമാർ എംഎൽഎ, പിടി അജയ് മോഹൻ, അഷ്‌റഫ്‌ കോക്കൂർ, അജിത് കൊളാടി, രവി തേലത്ത്, അഡ്വ. പികെ ഖലിമുദ്ദീൻ തുടങ്ങിയവർ സംസാരിച്ചു. സിവി മുഹമ്മദ് സ്വാഗതവും അഷ്‌റഫ്‌ നെയ്‌തല്ലൂർ നന്ദിയും പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
