കൊൽക്കത്ത: സിഎഎ, എൻആർസി നിയമങ്ങൾ കോവിഡ് വാക്‌സിൻ വിതരണത്തിന് ശേഷം നടപ്പാക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ. ബംഗാൾ സന്ദർശനത്തിനിടെ മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
പൗരത്വ നിയമങ്ങൾ ഇനിയും രൂപപ്പെടുത്തിയിട്ടില്ല. കോവിഡ് പ്രതിസന്ധി കാരണം വലിയ പ്രചാരണം നടത്താൻ സാധിച്ചിട്ടില്ല. വാക്‌സിനേഷൻ ആരംഭിച്ച് കോവിഡ് വ്യാപനം അവസാനിച്ചതിന് ശേഷം ഞങ്ങൾ അതിനെ കുറിച്ച് ചർച്ച ചെയ്യുമെന്നും മന്ത്രി പറഞ്ഞു.
Also Read: അമിത് ഷാ, നിങ്ങൾ പറഞ്ഞ ഏഴു കാര്യങ്ങളും പച്ചക്കള്ളം; തൃണമൂല്‍ എംപി ഡെറിക് ഒബ്രിയാന്‍
2021 ജനുവരിയോടെ സിഎഎ നിലവിൽ വരുമെന്ന് പശ്‌ചിമ ബംഗാളിന്റെ ചുമതലയുള്ള ബിജെപി ദേശീയ ജനറൽ സെക്രട്ടറി കൈലാഷ് വിജയ വർഗിയ നേരത്തെ പ്രസ്‌താവന നടത്തിയിരുന്നു.
