കാസർഗോഡ്: ശുചീകരണത്തിന്റെ ഭാഗമായി കള്ളാർ പഞ്ചായത്തിൽ ശേഖരിച്ചത് മൂന്ന് ടൺ മാലിന്യം. വാർഡുകളിലെ വീടുകളിൽ നിന്നും പൊതുസ്‌ഥലങ്ങളിൽ നിന്നും ശേഖരിച്ച പ്ളാസ്‌റ്റിക്‌ ഉൾപ്പെടെയുള്ള മാലിന്യങ്ങൾ ക്ളീൻ കേരള കമ്പനിക്ക് കൈമാറി. വാർഡ് ശുചിത്വ സമിതി, ജാഗ്രതാസമിതി, ഹരിതകർമ സേനാംഗങ്ങൾ, കുടുംബശ്രീ പ്രവർത്തകർ എന്നിവരുടെ നേതൃത്വത്തിലായിരുന്നു ശേഖരണം.
തുടർന്ന് പഞ്ചായത്തിന് കീഴിൽ പുഞ്ചക്കരയിലുള്ള മാലിന്യസംഭരണ കേന്ദ്രത്തിൽ (എംസിഎഫ്) എത്തിച്ചശേഷം തരംതിരിച്ചാണ് ക്ളീൻ കേരള കമ്പനിക്ക് കൈമാറിയത്. നിലവിൽ ഹരിത കർമസേനയുടെ നേതൃത്വത്തിൽ വീടുകളിൽനിന്നും സ്‌ഥാപനങ്ങളിൽ നിന്നും പ്ളാസ്‌റ്റിക്‌ മാലിന്യങ്ങൾ ശേഖരിക്കുന്നുണ്ടെങ്കിലും മഴക്കാല രോഗസാധ്യതയെ തുടർന്നാണ് മുഴുവൻ മേഖലകളിൽ നിന്നുമുള്ള പ്ളാസ്‌റ്റിക്‌ മാലിന്യങ്ങളും നീക്കിയത്.
Read Also: സംസ്‌ഥാനത്ത് തിങ്കളാഴ്‌ച മുതല്‍ ബാറുകള്‍ തുറക്കില്ല
