താമരശ്ശേരി: പിവി അൻവർ എംഎൽഎയും കുടുംബവും പരിധിയിൽ കവിഞ്ഞ ഭൂമി കൈവശം വച്ചിട്ടുണ്ടെന്ന പരാതി പരിശോധിക്കാൻ താമരശ്ശേരി താലൂക്ക് ലാൻഡ് ബോർഡ് യോഗം ഇന്ന് ചേരും. ഭൂമി സംബന്ധമായ രേഖകൾ അൻവറിന്റെ പ്രതിനിധികൾ ഇന്ന് ഹാജരാക്കിയേക്കും. കഴിഞ്ഞ മാസവും പിവി അൻവറിന് എതിരായ പരാതി പരിശോധിക്കാൻ ലാൻഡ് ബോർഡ് യോഗം ചേർന്നിരുന്നു.
എന്നാൽ അന്നത്തെ യോഗത്തിൽ പിവി അൻവറിന് വേണ്ടി ഹാജരായ അഭിഭാഷകൻ രേഖകൾ ഹാജരാക്കാൻ ഒരു മാസം സാവകാശം ചോദിച്ചതിനെ തുടർന്നാണ് ഇന്ന് ഹാജരാക്കാൻ നിർദ്ദേശിച്ചത്. ജനുവരി ഒന്നുമുതൽ അഞ്ച് മാസത്തിനകം അൻവറും കുടുംബവും കൈവശം വെക്കുന്ന അധികഭൂമി പിടിച്ചെടുക്കാൻ നേരത്തെ ഹൈക്കോടതി ഉത്തരവിട്ടിരുന്നു. ഇത് കണക്കിലെടുത്താണ് നടപടികൾ വേഗത്തിലാക്കുന്നത്.
Read Also: ബുധനാഴ്ച രാജ്യം ആക്രമിക്കപ്പെടും; പ്രസ്താവനയുമായി യുക്രൈൻ പ്രസിഡണ്ട്