കണ്ണൂർ: ജില്ലയിലെ മുഴക്കുന്ന് മണ്ഡലത്തിലെ കോൺഗ്രസ് യൂണിറ്റ് കമ്മിറ്റി രൂപീകരണ യോഗം സിപിഎം പ്രവർത്തകർ തടഞ്ഞുവെച്ചതായി പരാതി. മുടക്കൊഴി മലയിലെ കോൺഗ്രസ് യൂണിറ്റ് കമ്മിറ്റി രൂപീകരണ യോഗമാണ് സിപിഎം പ്രവർത്തകർ അലങ്കോലപ്പെടുത്തിയത്.
മുടക്കൊഴി മലയിൽ യൂണിറ്റ് രൂപീകരിക്കാൻ അനുവദിക്കില്ലെന്ന് പറഞ്ഞാണ് ഇരുപതോളം വരുന്ന സിപിഎം പ്രവർത്തകർ യോഗം തടഞ്ഞതെന്നാണ് പരാതി. യോഗത്തിന് എത്തിയ സ്ത്രീകളെ പ്രവർത്തകർ അസഭ്യം പറഞ്ഞതായും നേതാക്കളെ കൈയേറ്റം ചെയ്യാൻ ശ്രമിച്ചതായും കോൺഗ്രസ് പ്രവർത്തകർ ആരോപിച്ചു. സ്ഥലത്ത് സംഘർഷ സാധ്യത നിലനിൽക്കുന്നുണ്ടെന്നാണ് പോലീസ് പറയുന്നത്.