ദുബൈ: കോവിഡ് പരിശോധനക്ക് മൂന്ന് മാളുകളിൽ സൗകര്യമൊരുക്കി ദുബൈ ഹെൽത്ത് അതോറിറ്റി. ദുബൈയിലെ മാൾ ഓഫ് എമിറേറ്റ്സ്, മിർദിഫ് സിറ്റി സെന്റർ, ദേര സിറ്റി സെന്റർ എന്നിവിടങ്ങളിലാണ് സൗകര്യം ഒരുക്കിയിരിക്കുന്നത്. ഹെൽത്ത് അതോറിറ്റിയുടെ ടോൾഫ്രീ നമ്പറായ 800342ൽ വിളിച്ച് ബുക്ക് ചെയ്‌ത ശേഷം പരിശോധനക്കായി എത്താം.
ദിവസവും രാവിലെ 11 മുതൽ വൈകിട്ട് 6 വരെയാണ് പരിശോധനാ സമയം. 24 മണിക്കൂറിനുള്ളിൽ ഫലം ലഭിക്കും. 150 ദിർഹമാണു പരിശോധനാ നിരക്ക്. എന്നാൽ പനിയോ മറ്റ് രോഗലക്ഷണങ്ങളോ ഉള്ളവർക്ക് പ്രവേശനം അനുവദിക്കില്ല. അബുദാബിയിലേക്ക് പ്രവേശിക്കണമെങ്കിലും പിസിആർ/ലേസർ പരിശോധനാ ഫലം ആവശ്യമാണ്. ദിവസത്തിൽ 180 പരിശോധനകൾ നടത്താനുള്ള സൗകര്യം ഇവിടെയുണ്ട്.
ആളുകളിൽ കോവിഡ് പരിശോധന പ്രോൽസാഹിപ്പിക്കുന്നതിനും വൈറസിനെ തുടക്കത്തിൽ തന്നെ കണ്ടുപിടിച്ച് കൂടുതൽ പേരിലേക്ക് രോഗം പകരാതെ തടയുന്നതിനും വേണ്ടിയാണ് ഇത്തരമൊരു സൗകര്യം ഒരുക്കിയതെന്ന് അധികൃതർ പറഞ്ഞു.
Also Read: പോലീസ് നായകളെ ഉപയോഗിച്ച് കോവിഡ് കണ്ടെത്താന്‍ ബഹ്‌റൈന്‍ ഒരുങ്ങുന്നു
