മലപ്പുറം: മഅ്ദിന്‍ അക്കാദമിക്ക് കീഴില്‍ എല്ലാ വര്‍ഷവും റമളാന്‍ 27ആം രാവില്‍ മലപ്പുറം സ്വലാത്ത് നഗറില്‍ നടക്കാറുള്ള പ്രാർഥനാ സമ്മേളനവും അനുബന്ധ പരിപാടികളും ഓണ്‍ലൈനിലേക്ക് മാറ്റിയതായി മഅ്ദിന്‍ ചെയര്‍മാന്‍ സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരി അറിയിച്ചു.
കോവിഡ് രണ്ടാം തരംഗത്തിന്റെ പാശ്‌ചാത്തലത്തിലാണ് എല്ലാ പരിപാടികളും ഓണ്‍ലൈനാക്കാൻ തീരുമാനിച്ചതെന്നും ജീവന്റെ സംരക്ഷണം മതത്തില്‍ ഏറ്റവും പുണ്യമുള്ള കാര്യമാണെന്നും ഖലീല്‍ അല്‍ ബുഖാരി പറഞ്ഞു. സര്‍ക്കാരിന്റെയും ആരോഗ്യ പ്രവര്‍ത്തകരുടെയും നിര്‍ദേശങ്ങള്‍ പൂര്‍ണമായും പാലിച്ച് നാടിന്റെ രക്ഷക്ക് വേണ്ടി എല്ലാവരും പ്രവര്‍ത്തിക്കണമെന്നും ഇദ്ദേഹം ആഹ്വാനം ചെയ്‌തു.
പ്രാർഥനാ സമ്മേളനത്തോട് അനുബന്ധിച്ച് മഅ്ദിന്‍ കാമ്പസില്‍ നടന്ന് വരുന്ന വനിതാ വിജ്‌ഞാന വേദി, സമൂഹ ഇഫ്‌താർ, ബദ്‌ർ അനുസ്‌മരണ സമ്മേളനം തുടങ്ങിയ പരിപാടികളും ഓണ്‍ലൈനായാണ് നടക്കുകയെന്ന് ഇദ്ദേഹം വ്യക്‌തമാക്കി.
ലോകത്തിന്റെ എല്ലാ ഭാഗത്തുനിന്നുമുള്ള വിശ്വാസികൾക്ക് റമളാന്‍ 27ആം രാവിലെ പ്രാർഥനാ സംഗമത്തിൽ ഓൺലൈനായി പങ്കെടുക്കാം. ഇതിനാവശ്യമായ എല്ലാ സാങ്കേതിക സംവിധാനങ്ങളും ‘മഅ്ദിന്‍’ ഒരുക്കും.
അഖിലേന്ത്യാ സുന്നി ജംഇയ്യത്തുല്‍ ഉലമാ ജനറല്‍ സെക്രട്ടറിയും ഇന്ത്യൻ ഗ്രാൻഡ് മുഫ്‌തിയുമായ കാന്തപുരം എപി അബൂബക്കര്‍ മുസ്‌ലിയാര്‍ 27ആം രാവിലെ പ്രാർഥനാ സമ്മേളനം ഉൽഘാടനം ചെയ്യും. ലോക പ്രശസ്‌ത ഇസ്‌ലാമിക പണ്ഡിതന്‍ ശൈഖ് ഹബീബ് ഉമര്‍ ബിന്‍ ഹഫീള് ഹളര്‍മൗത് മുഖ്യാതിഥിയാകുമെന്നും അധികൃതർ അറിയിച്ചു.
സമസ്‌ത പ്രസിഡണ്ട് ഇ സുലൈമാന്‍ മുസ്‌ലിയാര്‍ അധ്യക്ഷത വഹിക്കുന്ന ചടങ്ങിൽ സയ്യിദ് അലി ബാഫഖി തങ്ങള്‍, സമസ്‌ത സെക്രട്ടറി പൊൻമള അബ്‌ദുൽ കാദർ മുസ്‌ലിയാർ, പേരോട് അബ്‌ദുറഹ്‌മാന്‍ സഖാഫി, സി.മുഹമ്മദ് ഫൈസി തുടങ്ങിയവരും പ്രസംഗിക്കും. മഅ്ദിന്‍ റമളാന്‍ പരിപാടികള്‍ വീക്ഷിക്കുന്നതിന് Youtube.com/MadinAcademy എന്ന യുട്യൂബ് ചാനൽ സന്ദർശിക്കാം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
