ന്യൂഡെൽഹി: തുടർച്ചയായി മൂന്നാം ദിവസവും രാജ്യത്ത് പ്രതിദിന കോവിഡ് കേസുകൾ 20,000ത്തിന് മുകളിൽ റിപ്പോർട് ചെയ്തു. 20,044 പേർക്കാണ് കഴിഞ്ഞ 24 മണിക്കൂറിനിടെ രാജ്യത്ത് കോവിഡ് സ്ഥിരീകരിച്ചത്. കൂടാതെ കോവിഡ് മരണസംഖ്യയിലും നിലവിൽ വർധന ഉണ്ടാകുകയാണ്. കഴിഞ്ഞ 24 മണിക്കൂറിൽ മാത്രം രാജ്യത്ത് 56 പേർ കോവിഡിനെ തുടർന്ന് മരിച്ചു.
നിലവിൽ രാജ്യത്ത് കോവിഡിനെ തുടർന്ന് മരിച്ചവരുടെ എണ്ണം 5,25,660 ആയി ഉയർന്നു. ആരോഗ്യ പ്രതിരോധ മന്ത്രാലയത്തിന്റെ കണക്കുകൾ പ്രകാരം രാജ്യത്ത് കഴിഞ്ഞ 24 മണിക്കൂറിൽ 18,301 ആളുകൾ കോവിഡ് മുക്തി നേടിയിട്ടുണ്ട്. ഇതോടെ രാജ്യത്തെ ആകെ രോഗബാധിതരിൽ 4,30,63,651 പേരും ഇതോടെ രോഗമുക്തരായി.
അതേസമയം രാജ്യത്ത് നിലവിൽ രോഗബാധയെ തുടർന്ന് ചികിൽസയിൽ കഴിയുന്നവരുടെ എണ്ണം 1,40,760 ആയും ഉയർന്നു. 4.80 ശതമാനമാണ് രാജ്യത്തെ നിലവിലെ പ്രതിദിന കോവിഡ് ടെസ്റ്റ് പോസിറ്റിവിറ്റി നിരക്ക്. കൂടാതെ രോഗമുക്തി നിരക്ക് 98.48 ശതമാനമായും തുടരുകയാണ്.
Read also: കാഞ്ഞങ്ങാട് അഞ്ച് ക്ഷേത്രങ്ങളിൽ കവർച്ചാ ശ്രമം; ഭണ്ഡാരങ്ങൾ തകർത്തു