ന്യൂയോർക്ക്: അമേരിക്കയിൽ പ്രതിദിന കോവിഡ് കേസുകളുടെ എണ്ണം വീണ്ടും ഉയരുന്നു. കഴിഞ്ഞ ആഴ്ച രാജ്യത്ത് റിപ്പോർട് ചെയ്ത കോവിഡ് കേസുകളുമായി താരതമ്യം ചെയ്യുമ്പോൾ ഈ ആഴ്ച 12.7 ശതമാനം കൂടുതൽ കോവിഡ് കേസുകളാണ് റിപ്പോർട് ചെയ്തിട്ടുള്ളത്. പാൻ അമേരിക്കൻ ഹെൽത്ത് ഓർഗനൈസേഷൻ പുറത്തുവിട്ട വിവരങ്ങളിലാണ് ഇക്കാര്യം വ്യക്തമാകുന്നത്.
6,16,000 കോവിഡ് കേസുകളാണ് കഴിഞ്ഞ ആഴ്ച അമേരിക്കയിൽ റിപ്പോർട് ചെയ്തത്. കോവിഡിനെ തുടർന്ന് ആശുപത്രിയിൽ പ്രവേശിപ്പിക്കുന്നവരുടെ എണ്ണത്തിലും നിലവിൽ വർധന ഉണ്ടായിട്ടുണ്ട്. എന്നാൽ മരണനിരക്കിൽ കാര്യമായ വർധന ഉണ്ടാകാത്തത് വലിയ ആശ്വാസം നൽകുന്നുണ്ട്.
രാജ്യത്ത് നിലവിൽ കോവിഡ് കേസുകളിൽ വലിയ വർധന ഉണ്ടാകുന്നത് വടക്കേ അമേരിക്കയിലാണ്. കഴിഞ്ഞ ആഴ്ചത്തെ അപേക്ഷിച്ച് 19.5 ശതമാനം കോവിഡ് കേസുകളുടെ വർധനയാണ് ഈ ആഴ്ച വടക്കേ അമേരിക്കയിൽ രേഖപ്പെടുത്തിയത്. അതേസമയം തെക്കേ അമേരിക്കയിൽ കോവിഡ് കേസുകളിൽ 8 ശതമാനത്തോളം കുറവും രേഖപ്പെടുത്തിയിട്ടുണ്ട്.
Read also: ചെറുവത്തൂരിലെ ഭക്ഷ്യവിഷബാധ; സർക്കാരിന്റെ വിശദീകരണം ഹൈക്കോടതി ഇന്ന് കേൾക്കും