ന്യൂഡെൽഹി: രാജ്യത്ത് റിപ്പോർട് ചെയ്യുന്ന കോവിഡ് കേസുകളുടെ എണ്ണത്തിൽ വർധന. ഇന്നലെ രാജ്യത്ത് റിപ്പോർട് ചെയ്‌തതിൽ നിന്നും 90 ശതമാനം അധികം കേസുകളാണ് രാജ്യത്ത് ഇന്ന് റിപ്പോർട് ചെയ്‌തത്‌. 2,183 പേർക്കാണ് ഇന്ന് രാജ്യത്ത് കോവിഡ് സ്‌ഥിരീകരിച്ചത്‌. ഇന്നലെ 1,150 പേർക്ക് രോഗം സ്‌ഥിരീകരിച്ച സ്‌ഥാനത്താണിത്.
കൂടാതെ കോവിഡ് ബാധയെ തുടർന്ന് മരിച്ച ആളുകളുടെ എണ്ണത്തിലും വർധന ഉണ്ടാകുന്നുണ്ട്. കഴിഞ്ഞ ദിവസം 214 പേരാണ് കോവിഡ് ബാധയെ തുടർന്ന് രാജ്യത്ത് മരിച്ചത്. ഇതിൽ കേരളത്തിൽ നിന്നുള്ള 62 പേരാണ് ഉൾപ്പെടുന്നത്.
പ്രതിദിന കോവിഡ് ടെസ്‌റ്റ് പോസിറ്റിവിറ്റി നിരക്ക് 0.31 ശതമാനത്തിൽ നിന്നും 0.83 ശതമാനമായും ഉയർന്നു. രോഗബാധിതരുടെ എണ്ണം ഉയരുന്നതിനാൽ രാജ്യത്ത് നിലവിൽ ചികിൽസയിൽ കഴിയുന്നവരുടെ എണ്ണത്തിലും വർധന ഉണ്ടാകുന്നുണ്ട്. 11,.542 പേരാണ് രാജ്യത്ത് നിലവിൽ ചികിൽസയിൽ കഴിയുന്നത്.
Read also: തുടർ ചികിൽസക്കായി മുഖ്യമന്ത്രി വീണ്ടും അമേരിക്കയിലേക്ക്; അനുമതി തേടി
