മുംബൈ: രാജ്യത്ത് 10 ലക്ഷം കോവിഡ് ബാധ റിപ്പോർട്ട് ചെയ്യുന്ന ആദ്യ സംസ്ഥാനമായി മഹാരാഷ്ട്ര. കഴിഞ്ഞ 24 മണിക്കൂറിനിടെ 24,886 പേർക്കാണ് രോഗം സ്ഥിരീകരിച്ചത്. ആകെ രോഗബാധിതർ 10,158,81 ആയി. മരണസംഖ്യ 28,724 ആയി ഉയർന്നു. ഇന്നലെ മാത്രം 394 പേരാണ് രോഗം ബാധിച്ചു മരിച്ചത്.
ആകെ രോഗം ബാധിച്ചവരിൽ 7,15,023 പേർ രോഗമുക്തി നേടി. 2,71,566 പേരാണ് നിലവിൽ ചികിത്സയിൽ കഴിയുന്നത്. സംസ്ഥാനത്ത് പൂനെയിലാണ് രോഗബാധ ഏറ്റവും രൂക്ഷം. നിലവിലെ ആക്റ്റീവ് കേസുകളിൽ ഏറ്റവും കൂടുതൽ പൂനെയിലാണ്. 72,835 പേരാണ് പൂനെയിൽ ചികിത്സയിലുള്ളത്.
Read This: മഹാരാഷ്ട്രയിൽ മുൻ നാവിക ഉദ്യോഗസ്ഥന് ശിവസേന പ്രവർത്തകരുടെ മർദ്ദനം
കഴിഞ്ഞ 24 മണിക്കൂറിനിടയിൽ 14,308 പേർക്കാണ് രോഗമുക്തി. 70.4 ശതമാനമാണ് സംസ്ഥാനത്തെ രോഗമുക്തി നിരക്ക്. 2.83 ശതമാനമാണ് മരണനിരക്ക്.ഇതുവരെ 50 ലക്ഷം കോവിഡ് പരിശോധനകളാണ് ഇവിടെ നടത്തിയത്.