പനാജി: കോവിഡ് രോഗവ്യാപനം രൂക്ഷമാകുന്ന സാഹചര്യത്തിൽ ഗോവയിൽ ലോക്ക്ഡൗൺ നീട്ടണമെന്ന ആവശ്യവുമായി കോൺഗ്രസ് രംഗത്ത്.
തീരദേശ സംസ്‌ഥാനമായ ഗോവയിലെ കോവിഡ് സാഹചര്യം ഭീകരമാണ്. നിലവിൽ സംസ്‌ഥാനത്ത് ഏർപ്പെടുത്തിയ 4 ദിവസത്തെ ലോക്ക്ഡൗൺ വീണ്ടും നീട്ടണമെന്ന് നിയമസഭയിലാണ് പ്രതിപക്ഷ നേതാവായ ദിഗംബർ കാമത്ത് ആവശ്യപ്പെട്ടത്. നിരപരാധികളുടെ ജീവിതം വെച്ച് സംസ്‌ഥാനം കളിക്കരുതെന്നും കാമത്ത് ആവശ്യപ്പെട്ടു. ജനങ്ങൾ ഭീതിയിലാണ്, വളരെ ഉയർന്ന ടെസ്‌റ്റ് പോസിറ്റിവിറ്റി നിരക്കാണ് സംസ്‌ഥാനത്തുളളതെന്നും അദ്ദേഹം പറഞ്ഞു.
വെള്ളിയാഴ്‌ചയാണ് ഗോവയിൽ 4 ദിവസത്തെ ലോക്ക്ഡൗൺ പ്രഖ്യാപിച്ചത്. തിങ്കളാഴ്‌ച രാവിലെ 6 വരെയാണ് ലോക്ക്ഡൗൺ. അതേസമയം, 2303 പേർക്കാണ് കഴിഞ്ഞ ദിവസം ഗോവയിൽ കോവിഡ് പോസിറ്റീവായത്. 54 കോവിഡ് മരണം റിപ്പോർട് ചെയ്യുകയും ചെയ്‌തിരുന്നു.
Read also: ‘എന്റെ ജയത്തേക്കാള്‍ ആഗ്രഹിച്ച വിജയം’; എംബി രാജേഷിന് ആശംസകളുമായി പിവി അന്‍വര്‍
