നീലേശ്വരം: കോവിഡ് വ്യാപനം രൂക്ഷമാകുന്ന മടിക്കൈ പഞ്ചായത്തിൽ നിലവിലുള്ള സമ്പൂർണ നിയന്ത്രണം മെയ് 10 വരെ നീട്ടി. കൂടാതെ, കോവിഡ് ബാധിതരെ പരിചരിക്കാൻ 24 മണിക്കൂറും പ്രവർത്തിക്കുന്ന 2 ഡൊമിസിലിയറി കെയർ സെന്ററുകളും പ്രവർത്തനം തുടങ്ങി. മേക്കാട്ട് ഗവ.വൊക്കേഷണൽ ഹയർ സെക്കണ്ടറി സ്കൂൾ, എരിക്കുളം ഗവ.ഐടിഐ എന്നീ സ്ഥാപനങ്ങളിലാണ് ഡിസിസികൾ സജ്ജീകരിച്ചത്.
ഇവിടേക്ക് ഫർണിച്ചർ, ഉപകരണങ്ങൾ, പച്ചക്കറി, പലവ്യഞ്ജനങ്ങൾ എന്നിവക്ക് സുമനസുകളുടെ സഹായമുണ്ടാകണമെന്ന് പഞ്ചായത്ത് പ്രസിഡണ്ട് എസ്.പ്രീത, വൈസ് പ്രസിഡണ്ട് വി.പ്രകാശൻ എന്നിവർ അഭ്യർഥിച്ചു.
Also Read: തിരഞ്ഞെടുപ്പ് തോൽവി; ഉത്തരവാദിത്വം ഏറ്റെടുത്ത് മുല്ലപ്പള്ളി രാമചന്ദ്രന്