കോഴിക്കോട് : ജില്ലയിൽ ഇതുവരെ നടത്തിയ കോവിഡ് പരിശോധനകൾ 25 ലക്ഷം കവിഞ്ഞു. ഇന്നലെ വരെയുള്ള കണക്കുകൾ പ്രകാരമാണ് ജില്ലയിലെ കോവിഡ് പരിശോധന 25 ലക്ഷം കടന്നത്. കോവിഡ് പ്രതിരോധ പ്രവർത്തനങ്ങളുടെ ഭാഗമായി 25,04,536 കോവിഡ് പരിശോധനകളാണ് ജില്ലയിൽ ഇതുവരെ നടത്തിയത്.
സർക്കാർ സംവിധാനത്തിലൂടെ ജില്ലയിൽ 9,10,872 ആന്റിജൻ പരിശോധനകളും, 4,78,917 ആർടിപിസിആർ പരിശോധനകളും, 28,663 ട്രൂനാറ്റ് പരിശോധനകളും നടത്തി. കൂടാതെ ജില്ലയിലെ സ്വകാര്യ ലാബുകൾ വഴി 10,83,097 പരിശോധനകളാണ് ആകെ നടത്തിയിട്ടുള്ളത്.
ജില്ലയിൽ നിലവിൽ കോവിഡ് വ്യാപനം തുടരുകയാണ്. 12.46 ശതമാനമാണ് ജില്ലയിൽ ഇതുവരെയുള്ള കോവിഡ് ടെസ്‌റ്റ് പോസിറ്റിവിറ്റി നിരക്ക്.
Read also : സ്വര്‍ണക്കടത്ത്; അർജുൻ ആയങ്കിയുമായി അന്വേഷണ സംഘം കണ്ണൂരിലേക്ക്
