കുവൈറ്റ് : കോവിഡ് വ്യാപനം നിയന്ത്രിക്കുന്നതിന്റെ ഭാഗമായി കുവൈറ്റിൽ 12 മുതൽ 15 വയസ് വരെ പ്രായമുള്ള കുട്ടികളുടെ വാക്സിനേഷൻ അടുത്തയാഴ്ച ആരംഭിക്കും. അടുത്ത സെപ്റ്റംബർ മാസത്തോടെ സ്കൂൾ അധ്യയനം ആരംഭിക്കുന്നതിന് മുന്നോടിയായി കുട്ടികളിലെ വാക്സിനേഷൻ നടപടികൾ പൂർത്തിയാക്കാനാണ് അധികൃതരുടെ തീരുമാനം.
സെപ്റ്റംബറോടെ ഈ പ്രായപരിധിയിലുള്ള കുട്ടികൾക്ക് 2 ഡോസ് വാക്സിനും വിതരണം ചെയ്യാനാണ് ലക്ഷ്യമിടുന്നതെന്ന് ആരോഗ്യ പ്രതിരോധ മന്ത്രാലയം വ്യക്തമാക്കി. വാക്സിനേഷനായി മന്ത്രാലയത്തിന്റെ വെബ്സൈറ്റിൽ രജിസ്ട്രേഷൻ നടത്താവുന്നതാണ്. തുടർന്ന് ലഭിക്കുന്ന സമയവും, സെന്ററും അടിസ്ഥാനമാക്കി എല്ലാ കുട്ടികൾക്കും വാക്സിൻ നൽകുന്നതിന് രക്ഷിതാക്കൾ ശ്രദ്ധ ചെലുത്തണമെന്ന് അധികൃതർ നിർദ്ദേശം നൽകിയിട്ടുണ്ട്.
Read also : മലപ്പുറത്ത് വയോധികയുടെ മൃതദേഹം ശുചിമുറിയിൽ കണ്ടെത്തി; ദുരൂഹത