ജി സുധാകരനെ പൂർണമായി ഒഴിവാക്കി സിപിഎം; അമ്പലപ്പുഴ ഏരിയാ സമ്മേളനത്തിലേക്ക് ക്ഷണമില്ല
ഇന്നലെ നടന്ന പ്രതിനിധി സമ്മേളനത്തിലും സുധാകരന് ക്ഷണമുണ്ടായിരുന്നില്ല. പാർട്ടിയിൽ ഉന്നത പദവി വഹിക്കുന്നില്ലെങ്കിൽ പോലും മുതിർന്ന നേതാക്കളെ സമ്മേളനത്തിലേക്ക് ക്ഷണിക്കുന്നത് പതിവാണ്.
ആലപ്പുഴ: അമ്പലപ്പുഴ ഏരിയാ സമ്മേളനത്തിൽ നിന്ന് ജി സുധാകരനെ പൂർണമായി ഒഴിവാക്കി സിപിഐഎം. ഉൽഘാടന വേദിയിലേക്ക് സുധാകരന് ക്ഷണമുണ്ടായിരുന്നില്ല. ഇന്ന് നടക്കുന്ന പൊതുസമ്മേളനത്തിലും ക്ഷണമില്ല. ജി സുധാകരന്റെ വീട്ടിൽ നിന്ന് ഒരു കിലോമീറ്റർ മാത്രമാണ് വേദിയിലേക്കുള്ള ദൂരം. സമ്മേളന ദിവസങ്ങളിൽ അദ്ദേഹം വീട്ടിൽ തന്നെയുണ്ട്.
നിലവിൽ സിപിഐഎം ജില്ലാ കമ്മിറ്റിയിൽ പ്രത്യേക ക്ഷണിതാവാണ് ജി സുധാകരൻ. സമ്മേളനത്തിൽ സ്വാഭാവികമായി ക്ഷണിക്കപ്പെടേണ്ടയാളാണ് അദ്ദേഹം. ഇന്നലെ നടന്ന പ്രതിനിധി സമ്മേളനത്തിലും സുധാകരന് ക്ഷണമുണ്ടായിരുന്നില്ല. പാർട്ടിയിൽ ഉന്നത പദവി വഹിക്കുന്നില്ലെങ്കിൽ പോലും മുതിർന്ന നേതാക്കളെ സമ്മേളനത്തിലേക്ക് ക്ഷണിക്കുന്നത് പതിവാണ്.
മന്ത്രി സജി ചെറിയാനാണ് പൊതുസമ്മേളനം ഉൽഘാടനം ചെയ്യുന്നത്. മുൻപ് ആലപ്പുഴയിലെ നിയമസഭാ തിരഞ്ഞെടുപ്പ് കഴിഞ്ഞ ഘട്ടത്തിലാണ് എച്ച് സലാം ജി സുധാകരനെതിരെ പരാതി നൽകിയിരുന്നത്. തന്റെ തിരഞ്ഞെടുപ്പ് പ്രചാരണത്തിൽ സുധാകരൻ സജീവമായി പങ്കെടുത്തില്ലെന്നായിരുന്നു സലാമിന്റെ പരാതി. തന്നെ തോൽപ്പിക്കാൻ സുധാകരൻ ശ്രമിച്ചെന്നും സലാം ആരോപണം ഉന്നയിച്ചിരുന്നു.
ഇത് അന്വേഷിച്ച ശേഷം പരാതിയിൽ കഴമ്പുണ്ടെന്ന് പാർട്ടി കണ്ടെത്തിയിരുന്നു. തുടർന്ന് സർക്കാരിനും പാർട്ടിക്കുമെതിരെ ജി സുധാകരൻ നിരവധി തവണ പരോക്ഷ വിമർശനം ഉന്നയിക്കുകയും വലിയ വിവാദമായി മാറുകയും ചെയ്തിരുന്നു. നേരത്തെ സിപിഎമ്മിന്റെ ആലപ്പുഴയിലെ യുവനേതാവായിരുന്ന ടിജെ ആഞ്ചലോസിനെ പാർട്ടിയിൽ നിന്ന് പുറത്താക്കിയതിന് കള്ള റിപ്പോർട് ഉണ്ടാക്കിയെന്ന സുധാകരന്റെ പ്രസ്താവന വലിയ ചർച്ചയായിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
