കണ്ണൂർ: ജില്ലയിലെ പഴയങ്ങാടി എരിപുരത്ത് സിപിഎം ജില്ലാ സമ്മേളനം നടന്നത് കോവിഡ് ചട്ടം ലംഘിച്ചെന്ന് പരാതി. മുസ്‌ലിം ലീഗാണ് പരാതിയുമായി രംഗത്തെത്തിയത്. സമ്മേളനം നടന്നത് കോവിഡ് ചട്ടങ്ങൾ ലംഘിച്ചാണെന്നും സമ്മേളനത്തിൽ പങ്കെടുത്തവർക്കെതിരെ കേസെടുക്കണമെന്നും ആവശ്യപ്പെട്ട് മുസ്‌ലിം ലീഗ് പരാതി നൽകി.
സമ്മേളനം കോവിഡ് ചട്ടലംഘനമാണെന്ന് ചൂണ്ടിക്കാട്ടി കല്യാശ്ശേരി മണ്ഡലം ലീഗ് പ്രസിഡണ്ട് എസ്‌കെപി സകരിയയാണ് പഴയങ്ങാടി പോലീസിൽ പരാതി നൽകിയത്. കോവിഡ് വ്യാപനം തടയുന്നതിന് സർക്കാർ പുറപ്പെടുവിച്ച മാനദണ്ഡങ്ങൾ ലംഘിച്ചും സുരക്ഷാ ക്രമീകരണങ്ങൾ പാലിക്കാതെയും സമ്മേളനം സംഘടിപ്പിച്ച സംഘാടകരും, അതിഥികളായി പങ്കെടുത്തവരും നിയമ വ്യവസ്‌ഥയെയും സർക്കാർ നിർദ്ദേശങ്ങളെയും വെല്ലുവിളിക്കുകയാണെന്നും പരാതിയിൽ ചൂണ്ടിക്കാട്ടി.
Most Read: മൂന്ന് വര്‍ഷത്തിനിടെ കേരളത്തിൽ 55 യുഎപിഎ കേസുകൾ; കേന്ദ്രം
