ചെറുവത്തൂര്‍: ചന്തേരയില്‍ ഡിവൈഎസ്‌പിക്ക് കാറിടിച്ച് പരിക്കേറ്റു. കാസര്‍കോട് ക്രൈംബ്രാഞ്ച് ഡിവൈഎസ്‌പി പികെ സുധാകരനെയാണ് കാറിടിച്ചത്. തിങ്കളാഴ്‌ച രാത്രി പോളിംഗ് കഴിഞ്ഞശേഷം എട്ടു മണിയോടെയാണ് സംഭവം. വോട്ടെടുപ്പ് കഴിഞ്ഞ ശേഷം പുറത്തു റോഡരികില്‍ ഉണ്ടായിരുന്നവരെ ഒഴിവാക്കാന്‍ ശ്രമിച്ചു കൊണ്ടിരിക്കെ പൊലീസ് സ്‌റ്റേഷന്‍ ഭാഗത്ത് നിന്ന് അതിവേഗതയില്‍ ഓടിച്ചു വന്ന കാര്‍ ഇടിച്ചു തെറിപ്പിക്കുകയായിരുന്നു. തൃക്കരിപ്പൂരിലെ സ്വകാര്യ ആശുപത്രിയിൽ എത്തിച്ച് പ്രഥമ ശുശ്രൂഷക്ക് ശേഷം ഡിവൈഎസ്‌പിയെ മംഗലാപുരത്തെ സ്വകാര്യ ആശുപത്രിയിലേക്കു കൊണ്ടുപോയി. പരിക്ക് ഗുരുതരമല്ല. സംഭവ ശേഷം നിര്‍ത്താതെ പോയ കാര്‍ രാത്രി തന്നെ കസ്‌റ്റഡിയില്‍ എടുത്തു.
Read also: ഇരട്ടക്കൊല; സിബിഐ സംഘം ഇന്ന് പെരിയയിലെത്തും
