ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിലും കോവിഡ് ബാധിതരുടെ എണ്ണം 12,000 കടന്നു. 12,847 പേർക്കാണ് രാജ്യത്ത് പുതുതായി രോഗബാധ റിപ്പോർട് ചെയ്തത്. കൂടാതെ 14 പേർ കോവിഡ് ബാധയെ തുടർന്ന് കഴിഞ്ഞ 24 മണിക്കൂറിൽ മരിക്കുകയും ചെയ്തു. ഇതോടെ രാജ്യത്തെ ആകെ കോവിഡ് മരണസംഖ്യ 5,24,817 ആയി ഉയർന്നു.
രോഗബാധിതരുടെ എണ്ണം ഉയർന്നതോടെ രാജ്യത്ത് നിലവിൽ ചികിൽസയിൽ കഴിയുന്നവരുടെ എണ്ണം 63,063 ആയി ഉയർന്നു. അതേസമയം കഴിഞ്ഞ 24 മണിക്കൂറിൽ രാജ്യത്ത് രോഗമുക്തരായ ആളുകളുടെ എണ്ണം 7,985 ആണ്. ഇതോടെ രാജ്യത്ത് ഇതുവരെ രോഗമുക്തരായ ആകെ ആളുകളുടെ എണ്ണം 4,26,82,697 ആയി ഉയർന്നു.
പ്രതിദിന കോവിഡ് പോസിറ്റിവിറ്റി നിരക്ക് 2.35 ശതമാനമാണ്. കൂടാതെ രാജ്യത്തെ രോഗമുക്തി നിരക്ക് നിലവിൽ 98.65 ശതമാനമാണ്. മഹാരാഷ്ട്രയിൽ കഴിഞ്ഞ 24 മണിക്കൂറിൽ റിപ്പോർട് ചെയ്തത് കഴിഞ്ഞ ഫെബ്രുവരിക്ക് ശേഷമുള്ള ഏറ്റവും ഉയർന്ന കോവിഡ് കണക്കുകളാണ്. 4,255 പേർക്കാണ് മഹാരാഷ്ട്രയിൽ കഴിഞ്ഞ 24 മണിക്കൂറിൽ രോഗം സ്ഥിരീകരിച്ചത്. കൂടാതെ രാജ്യത്തെ മറ്റ് സംസ്ഥാനങ്ങളിലും പ്രതിദിന രോഗബാധിതരുടെ എണ്ണത്തിൽ വലിയ വർധന ഉണ്ടാകുകയാണ്.
Read also: കൈക്കൂലി കേസ്; കുവൈറ്റിൽ വനിതാ ജീവനക്കാർ അറസ്റ്റിൽ