തിരുവനന്തപുരം: ആരാധനാലയങ്ങൾ തുറക്കുന്നത് സംബന്ധിച്ച് അടുത്തയാഴ്‌ച ആലോചിക്കുമെന്ന് മുഖ്യമന്ത്രി പിണറായി വിജയൻ. ആരാധനാലയങ്ങൾ സാഹചര്യം അനുകൂലമാകുമ്പോൾ ഉടൻ തന്നെ തുറക്കാമെന്നാണ് സർക്കാരിന്റെ തീരുമാനമെന്നും അദ്ദേഹം വാർത്താ സമ്മേളനത്തിൽ പറഞ്ഞു.
ഇപ്പോൾ നല്ല രീതിയിൽ രോഗവ്യാപന തോത് കുറയുന്നുണ്ട്. ആരാധനാലയങ്ങൾ സംബന്ധിച്ച് ഒരാഴ്‌ച കൂടി കഴിഞ്ഞ് നിഗമനത്തിൽ എത്താമെന്നാണ് കരുതുന്നത്. ഈ ഒരാഴ്‌ചയിലെ അവസ്‌ഥ നോക്കി ആവശ്യമായ ഇളവുകൾ നൽകും. അടുത്ത ബുധനാഴ്‌ച വരെയാണ് ഈ നില തുടരുക. പുതിയ ഇളവുകളെ കുറിച്ച് ചൊവ്വാഴ്‌ച ആലോചിക്കാം. ഏറ്റവും വേഗത്തിൽ ആരാധനാലയങ്ങൾ തുറക്കാൻ പറ്റിയ സാഹചര്യം ഉണ്ടാകട്ടെ, അപ്പോൾ തുറക്കാം- മുഖ്യമന്ത്രി വ്യക്‌തമാക്കി.
മദ്യശാലകൾ തുറക്കുകയും ആരാധനാലയങ്ങൾ അടച്ചിടുകയും ചെയ്യുന്നതിലെ യുക്‌തിയെന്തെന്ന് സർക്കാർ വിശദീകരിക്കണമെന്ന് കെപിസിസി പ്രസിഡണ്ട് കെ സുധാകരൻ എംപി നേരത്തെ ആവശ്യപ്പെട്ടിരുന്നു. കോവിഡ് നിയന്ത്രണങ്ങൾ ലഘൂകരിച്ച സാഹചര്യത്തിൽ ആരാധനാലയങ്ങൾ തുറക്കുന്നത് പരിഗണിക്കണമെന്ന് മുസ്‌ലിം സംഘടനകളും ആവശ്യപ്പെട്ടിരുന്നു. എൻഎസ്‌എസ് അടക്കമുള്ള സംഘടനകളും ഇതേ ആവശ്യം ഉന്നയിച്ചിരുന്നു. തുടർന്നാണ് മുഖ്യമന്ത്രി നിലപാട് വ്യക്‌തമാക്കിയത്‌.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
