ഡെൽഹി കലാപം; അനുബന്ധ കുറ്റപത്രത്തിൽ ഉമർ ഖാലിദും, ഷർജീൽ ഇമാമും

By Staff Reporter, Malabar News
MALABARNEWS-DELHI-RIOTS
Umar Khalid, Sharjeel Imam
Ajwa Travels

ന്യൂഡെൽഹി: ഡെൽഹി കലാപവുമായി ബന്ധപ്പെട്ടുള്ള അനുബന്ധ കുറ്റപത്രം ഡെൽഹി പോലീസ് കോടതിയിൽ സമർപ്പിച്ചു. മുൻ ജെഎൻയു വിദ്യാർഥികളായ ഉമർ ഖാലിദ്, ഷർജീൽ ഇമാം, ഫൈസ് ഖാൻ എന്നിവരെ പ്രതികളാക്കിയാണ് കുറ്റപത്രം സമർപ്പിച്ചിരിക്കുന്നത്.

930 പേജുള്ള അനുബന്ധ കുറ്റപത്രമാണ് പോലീസ് കോടതിയിൽ സമർപ്പിച്ചത്. ക്രിമിനൽ ഗൂഢാലോചന കുറ്റമാണ് ഇവർക്കെതിരെ ചുമത്തിയത്. യുഎപിഎ വകുപ്പുകൾ ചേർത്താണ് ഇവരെ അറസ്‌റ്റ് ചെയ്‌തത്‌. ഉമർ ഖാലിദും, ഷർജീൽ ഇമാമും നിലവിൽ ജുഡീഷ്യൽ കസ്‌റ്റഡിയിലാണ്.

നേരത്തെ കേസിൽ 170,00 പേജുകളുള്ള കുറ്റപത്രം പോലീസ് സമർപ്പിച്ചിരുന്നു. ഖാലിദ് സൈഫി, മുൻ കോൺഗ്രസ് കൗൺസിലർ ഇസ്രത് ജഹാൻ, മുൻ എഎപി കൗൺസിലർ താഹിർ ഹുസൈൻ, മീരാൻ ഹൈദർ, ഗുൽഫിഷ ഫാത്തിമ, സഫൂറ സർഗർ, നടാഷ നർവാൾ, ദേവാങ്കണ എന്നിവർ ഉൾപ്പെട്ട കുറ്റപത്രമാണ് സമർപ്പിച്ചത്. ഇതിന് ശേഷമാണ് ഉമർ ഖാലിദ്, ഷർജീൽ ഇമാം ഉൾപ്പെടെയുള്ള ആളുകളെ കൂടി ചേർത്ത് അനുബന്ധ കുറ്റപത്രം കോടതിയിൽ നൽകിയത്.

ഈ വർഷം ഫെബ്രുവരി 23നാണ് വടക്ക്-കിഴക്കൻ ഡെൽഹിയിൽ സിഎഎ വിരുദ്ധ പ്രക്ഷോഭകരും സിഎഎ അനുകൂലികളും തമ്മിൽ ഏറ്റുമുട്ടിയത്. 53 പേർക്ക് കലാപത്തിൽ ജീവൻ നഷ്‌ടപ്പെട്ടിരുന്നു. ഏകദേശം ഇരുന്നൂറിൽ അധികം പേർക്കാണ് കലാപത്തിൽ പരിക്കേറ്റത്.

Read Also: പരാതി പിന്‍വലിച്ചില്ല; മധ്യപ്രദേശില്‍ ദളിത് സഹോദരങ്ങളെ മര്‍ദ്ദിച്ച് വീടിന് തീവെച്ചു

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE