ന്യൂഡെൽഹി: ‘ഐടി ആക്ട് 66 എ’ പ്രകാരം കേസെടുക്കരുതെന്ന് കേന്ദ്ര സർക്കാർ സംസ്ഥാനങ്ങളോട് നിർദ്ദേശിച്ചു. റദ്ദാക്കിയ ഐ ടി നിയമം ചുമത്തി രാജ്യത്ത് ഇപ്പോഴും കേസ് എടുക്കുന്നതിൽ സുപ്രീം കോടതി രൂക്ഷ വിമർശനം ഉയർത്തിയതിന് പിന്നാലെയാണ് നിർദ്ദേശം. പോലീസ് സ്റ്റേഷനുകൾക്ക് ഇത് സംബന്ധിച്ച് നിർദ്ദേശം നൽകണമെന്ന് കേന്ദ്ര സർക്കാർ ആവശ്യപ്പെട്ടിട്ടുണ്ട്. കേസുകൾ എടുത്തിട്ടുണ്ടെങ്കിൽ അടിയന്തരമായി പിൻവലിക്കണമെന്നും നിർദ്ദേശമുണ്ട്.
Great news! The Ministry of Home Affairs (MHA) has issued a notification directing all states and UTs to sensitise police officials to strictly comply with Shreya Singhal v. Union of India and withdraw all cases under S.66A of the IT Act. (1/n) pic.twitter.com/IlkILFv9yk
— Internet Freedom Foundation (IFF) (@internetfreedom) July 14, 2021
സാമൂഹിക മാദ്ധ്യമങ്ങളിൽ അധിക്ഷേപകരമായ കാര്യങ്ങൾ പോസ്റ്റ് ചെയ്താൽ 3 വർഷം വരെ തടവ് ലഭിക്കുന്നതായിരുന്നു ‘66 എ‘ നിയമം. ജനാധിപത്യ വിരുദ്ധവും അഭിപ്രായ സ്വാതന്ത്ര്യത്തിന് എതിരുമാണെന്ന് ചൂണ്ടികാട്ടി ഇത് സുപ്രീം കോടതി റദ്ദാക്കുകയായിരുന്നു. രാജ്യത്താകെ ഏകദേശം 800ൽ അധികം കേസുകൾ വിവാദ നിയമത്തിന്റെ പരിധിയിൽ സ്വീകരിച്ചുവെന്നാണ് അനൗദ്യോഗിക കണക്കുകകൾ.
Read Also: തലസ്ഥാന വികസനം സംസ്ഥാനത്തിന് തന്നെ മാതൃകയാവണം; മന്ത്രി പിഎ മുഹമ്മദ് റിയാസ്