കൊച്ചി: ഡോളർ കടത്തുകേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം ശിവശങ്കറിനെ റിമാൻഡ് ചെയ്തു. കൊച്ചിയിലെ സാമ്പത്തിക കുറ്റകൃത്യങ്ങൾ പരിഗണിക്കുന്ന കോടതിയുടേതാണ് ഉത്തരവ്. ഡോളര് കടത്ത് കേസില് നാലാം പ്രതിയായ എം ശിവശങ്കറിനെ റിമാൻഡ് ചെയ്യണം എന്ന വാദം കോടതി അംഗീകരിച്ചു. ഫെബ്രുവരി ഒമ്പത് വരെയാണ് ശിവശങ്കറിന്റെ റിമാൻഡ് കാലാവധി. ഫെബ്രുവരി ഒന്നിന് ജാമ്യാപേക്ഷ കോടതി വീണ്ടും പരിഗണിക്കും. കസ്റ്റംസ് രജിസ്റ്റർ ചെയ്ത സ്വര്ണക്കടത്ത് കേസിലും ഇഡി രജിസ്റ്റര് ചെയ്ത കള്ളപ്പണം വെളുപ്പിക്കല് കേസിലും എം ശിവശങ്കറിന് കഴിഞ്ഞ ദിവസം ഉപാധികളോടെ ജാമ്യം അനുവദിച്ചിരുന്നു.
Read also: തോട്ടയ്ക്കാട് വാഹനാപകടം; രക്ഷാപ്രവർത്തനം വൈകി; ലോറി ഡ്രൈവർ കസ്റ്റഡിയിൽ