കൊല്ലം: ഡോ. മുബാറക് പാഷയെ ശ്രീനാരായണ ഗുരു ഓപ്പണ്‍ സര്‍വകലാശാലയുടെ പ്രഥമ വൈസ് ചാന്‍സലറായി(വിസി) നിയമിക്കാന്‍ മന്ത്രിസഭ തീരുമാനിച്ചു. നാല് വര്‍ഷ കാലത്തേക്കാണ് നിയമനം.
നിലവില്‍ ഒമാനിലെ നാഷനല്‍ യൂനിവേഴ്സിറ്റി ഓഫ് സയന്‍സ് ആന്‍ഡ് ടെക്നോളജിയില്‍ ഹെഡ് ഓഫ് ഗവര്‍ണന്‍സ് ആന്‍ഡ് സ്ട്രാറ്റജിക് പ്ലാനിങ് ആയി സേവനം അനുഷ്‌ഠിക്കുകയാണ് അദ്ദേഹം. ഉന്നതവിദ്യാഭ്യാസ മേഖലയിലുള്ള അദ്ദേഹത്തിന്റെ വൈവിധ്യമാര്‍ന്ന പ്രവര്‍ത്തന പരിചയം, മികവ് എന്നിവ പരിഗണിച്ചാണ് സര്‍ക്കാരിന്റെ ഈ നിയമനം.
ഒക്‌ടോബര്‍ രണ്ടിനാണ് കേരളത്തിലെ സാമൂഹിക പരിഷ്‌കര്‍ത്താവും നവോത്ഥാന നായകനും ആയ ശ്രീനാരായണ ഗുരുവിന്റെ പേരിലുള്ള കേരളത്തിലെ ആദ്യത്തെ ഓപ്പണ്‍ സര്‍വകലാശാലയുടെ പ്രവര്‍ത്തനം മുഖ്യമന്ത്രി പിണറായി വിജയന്‍ ഉല്‍ഘാടനം ചെയ്‌തത്. സര്‍വകലാശാല നിലവില്‍ വന്നതോടെ കേരള, കാലിക്കറ്റ്, എം.ജി, കണ്ണൂര്‍ സര്‍വകലാശാലകളിലെ വിദൂര, പ്രൈവറ്റ് പഠനം പൂര്‍ണമായി അവസാനിപ്പിച്ച് ഇവിടേക്ക് മാറും.
Read Also: എ ഐ എ ഡി എം കെ മുഖ്യമന്ത്രി സ്‌ഥാനാർത്ഥി എടപ്പാടി പളനിസാമി തന്നെ
