ചെന്നൈ: എ ഐ എ ഡി എം കെ മുഖ്യമന്ത്രി സ്‌ഥാനാർത്ഥിയായി നിലവിലെ മുഖ്യമന്ത്രി എടപ്പാടി പളനിസാമിയെ പ്രഖ്യാപിച്ചു. ഉപമുഖ്യമന്ത്രിയും എ ഐ എ ഡി എം കെ കോഡിനേറ്ററുമായ ഒ. പനീര്‍സെല്‍വമാണ് സ്‌ഥാനാർത്ഥി പ്രഖ്യാപനം നടത്തിയത്.
ഒ.പനീര്‍ശെല്‍വം മുഖ്യമന്ത്രി സ്‌ഥാനത്തേക്ക് മൽസരിക്കുന്നില്ലെന്ന വാര്‍ത്തകള്‍ നേരത്തെ തന്നെ വന്നിരുന്നു. തെരഞ്ഞെടുപ്പില്‍ സ്‌ഥാനാര്‍ത്ഥികളെ നിശ്‌ചയിക്കുന്നതിനും മറ്റുമായി 11 അംഗ സ്‌റ്റിയറിങ് കമ്മിറ്റിക്ക് രൂപം നല്‍കണമെന്ന പനീര്‍സെല്‍വത്തിന്റെ ആവശ്യം എടപ്പാടി ഗ്രൂപ്പ് അംഗീകരിച്ചതോടെയാണ് മുഖ്യമന്ത്രി സ്‌ഥാനാര്‍ത്ഥിയാകുന്ന മത്സരത്തില്‍ നിന്ന് പനീര്‍സെല്‍വം പിന്‍മാറാന്‍ തയ്യാറായതെന്നും സൂചനകളുണ്ട്.
ബുധനാഴ്‌ച രാവിലെ എ ഐ എ ഡി എം കെ ആസ്‌ഥാനത്ത് നടന്ന യോഗത്തിന് ശേഷമായിരുന്നു പ്രഖ്യാപനം. പളനിസാമി മുഖ്യമന്ത്രി സ്‌ഥാനാര്‍ത്ഥി ആകുന്നതിനോട് സഖ്യ കക്ഷിയായ ബി ജെ പിക്കും യോജിപ്പാണ്.
Read also: ഖേതി ബച്ചാവോ; ട്രാക്റ്റര്‍ റാലിക്ക് ഇന്ന് സമാപനം
