എടക്കര: പരിസ്‌ഥിതി ദിനത്തോടനുബന്ധിച്ച് ജില്ലയിൽ 2.40 ലക്ഷം വൃക്ഷത്തൈകൾ വിതരണത്തിന് ഒരുങ്ങി. സാമൂഹിക വനവൽക്കരണ വിഭാഗത്തിന്റെ വണ്ടൂർ തിരുവാലിയിലെയും എടക്കര ഉദിരകുളത്തെയും നഴ്‌സറിയിലാണ് തൈകൾ തയ്യാറാക്കിയത്. കവുങ്ങ്, പുളി, മന്ദാരം, നെല്ലി, സീതപ്പഴം. കുമിഴ്, കുന്നിവാക, പൂവരശ്, പേര, മണിമരുത്, മാതളം, നാരകം, വേങ്ങ, താനി, കണിക്കൊന്ന, നീർമരുത്, മുള തുടങ്ങിയ തൈകളാണുള്ളത്.
തദ്ദേശ സ്‌ഥാപനങ്ങൾക്കും ക്‌ളബ്ബുകൾക്കും സന്നദ്ധ സംഘടനകൾക്കുമാണ് തൈകൾ നൽകുന്നത്. സാമൂഹിക വനവൽക്കരണ വിഭാഗം ഓഫിസിൽ മുൻകൂട്ടി രജിസ്‌റ്റർ ചെയ്‌തത്‌ പ്രകാരം തൈകൾ നൽകി തുടങ്ങിയിട്ടുണ്ട്. കോവിഡ് പശ്‌ചാത്തലത്തിൽ സ്‌കൂളുകൾ കേന്ദ്രീകരിച്ച് ഇത്തവണയും തൈ വിതരണമില്ല.
Also Read: വീണ്ടും ആരോപണ കുരുക്ക്; മഞ്ചേശ്വരത്ത് പിൻമാറാൻ ബിജെപി രണ്ടര ലക്ഷം നൽകിയെന്ന് കെ സുന്ദര
