തിരുവനന്തപുരം: പ്രശസ്ത സിനിമാ, നാടക, സീരിയൽ നടനും നിർമാതാവുമായ ഡി ഫിലിപ്പ് അന്തരിച്ചു. 79 വയസായിരുന്നു. ഇന്ന് പുലർച്ചെ തിരുവനന്തപുരത്തെ വസതിയിൽ വെച്ചായിരുന്നു അന്ത്യം. തിരുവല്ല സ്വദേശിയാണ്.
പ്രൊഫഷണൽ നാടക വേദിയിൽ നിറസാന്നിധ്യമായിരുന്ന ഡി ഫിലിപ്പ് മികവുറ്റ പ്രകടനങ്ങളിലൂടെ ശ്രദ്ധിക്കപ്പെട്ടതിന് ശേഷമാണ് സിനിമയിലേക്ക് എത്തുന്നത്. കാളിദാസ കലാകേന്ദ്രത്തിന്റെയും കെപിഎസിയുടെയും നാടകങ്ങളിലെ പ്രധാന നടനായിരുന്നു ഡി ഫിലിപ്പ്.
കോട്ടയം കുഞ്ഞച്ചൻ, വെട്ടം, അർത്ഥം, പഴശ്ശിരാജ, ടൈം അടക്കം അമ്പതിലേറെ സിനിമകളിൽ അഭിനയിച്ചിട്ടുണ്ട്. 1981ൽ കോലങ്ങൾ എന്ന കെജി ജോർജ് ചിത്രം നിർമിച്ചു. വിദേശത്തുള്ള മകൻ എത്തിയ ശേഷമാകും സംസ്കാര ചടങ്ങുകളുടെ സമയം തീരുമാനിക്കുക.
Most Read: സ്വയം സുരക്ഷ വർധിപ്പിച്ച് സ്വപ്ന സുരേഷ്; രണ്ട് ജീവനക്കാരെ നിയമിച്ചു